هيفاء وهبي تدافع عن حمو بيكا: اعمل اغاني حلوة وافرضها
تدخلت الفنانة اللبنانية هيفاء وهبي لحل ازمة مطرب المهرجانات المصري حمو بيكا مع نقابة الموسيقيين المصريين ونقيبها الفنان هاني شاكر الذي كان اصدر قراراً بمنع مطربي المهرجانات ومن بينهم حمو بيكا من الغناء.
وخلال حلول حمو بيكا ضيفأ ببرنامج مصر جديدة الذي تقدمه المذيعة إنجي أنور، شاركت هيفاء من خلال اتصال هاتفي لتعلن دعمها ووقوفها الى جانبه، قائلةً له:”لا متركزش في الهجوم واعمل أغاني حلوة وافرضها والناس بتحب الحاجات الحلوة ومنك أنت بالتحديد، والناس بتنسى أي هجوم لما بتعملهم حاجة حلوة”.
وأضافت:”الموسيقى دي بتعيش الناس في مود تاني والاختلاف مطلوب وأنت مختلف أنا مكنتش بستحمل أوي الهجوم وكنت لسه صغيرة ومعنديش خبرة وبتعلم مع نفسي، ولكن اكتشفت إن الناس مش هي اللي بتهاجمك لكن فيه ناس شغلتهم الهجوم مش ضروري يكونوا فنانين ولا جمهور، ولكن حمو إنسان ناضج وهو سند لعيلته ومش عايز حد يهز السند ده”.
وأكملت:”أستاذ هاني شاكر بحترمه جدًا وأعرف إني بياخد قرارات بالإجماع، وأكيد مش بيمنع الفن الجميل أو أغنية جميلة بلحن حلو ولا يمنع النجاح والرزق عن حد، هو عايز يصلح الواقع حصل فيه شوية فوضى، والمفروض نروح نصلح وجهات النظر عشان نحل المشكلة، وتطالب بفرصة جديدة، وممكن أغني من كلماته، وأنا مع الأغنية الحلوة اللي تعجب الناس”.
