حمو بيكا يناشد الرئيس المصري “مش هغني في مصر تاني”

أدلى مطرب المهرجانات المصري حمو بيكا بعدة تصريحات في بث مباشر عبر حسابه في “انستغرام” كشف فيها استمرار معاناته بسبب عدم تمكنه من العمل داخل مصر.

وقال حمو بيكا في الفيديو الذي نشره:” أنا مظلوم بقالي سنين، وفيه ظلم في النقابة وافترى، وأنا هكشف كل ظالم، وهجيب حقي بالقانون، ومش عايز أغني تاني ولا أمسك الميكروفون في البلد دي تاني، أهم حاجة أجيب حقي”.

وواصل حمو بيكا:حديثه قالوا في النقابة إن فيه ناس قدمت ورق مزوَّر، وناس تاني مسجلة، وبعدين أخدوا الكارنيهات، وأنا بقولك: حسبي الله ونعم الوكيل، دمرت مستقبلي، ومستقبل اللي معايا، وأنا هوريكوا معايا ناس قد إيه بتاكل عيش من ورايا، وكل ظالم له يوم، وبإذن الله هشوف فيك يوم.

وأضاف حمو بيكا: أنتوا مش عارفين أنا عايش إزاي، ومش بنام ولا يوم، أنا تعبت وشقيت ونجحت بالجمهور، وطول ما أنا مظلوم؛ حقي إن شاء الله هيجي.

وناشد حمو الرئيس المصري قائلا: ” أنا مش شغال في بلدي أنا شغال برة مصر وبلدنا فيها قانون وهاخد حقي من نقابة الموسيقيين بالقانون اللي جات عليا وعلى لقمة عيشي وحياتي”

وتابع: “جنسيتي مصرية ومش عارف اشتغل فيها وفيه أجانب وشغالين في بلدي، وكل واحد وقف في مستقبلي هقوله هشوف فيك يوم وفي أعز ما لديك عشان أنت دمرت لي حياتي ومستقبلي”.

https://www.instagram.com/p/CZxdNu5hG9n/