شكران مرتجى : أمي أخدت معها كل شي حلو !

نشرت شكران مرتجى صورة لها باللون الابيض والاسود، ارفقتها بالتعليق التالي: “كتار بيشوفوا حزني ع أمي مبالغ فيه .. بعرف، ولكن الحقيقة وفاة أمي فجرت حزن العالم كله اللي جواتي”.

واضافت: “هلق انا بحالة من عدم تحمل أي شي وخاصة الحال العام اللي كلنا عم نمرق فيه، صرت حقيقة شوف الكاسه فاضيه حتى لو مليانه.. كانت هي بمثابة الداعم لقلبي كل ما بده يفرط هالداعم ما بيخليه، بعتقد في شي هيك بجراحة القلب واذا ما في بقترح يعملوه وخاصة للي فقدوا أمهاتهم أو داعميهم من الأحبه”.

وقالت شكران في منشورها: “بالمختصر اللي ناطرني أرجع متل ما كنت هئ وتسئ، وما بعتقد صعب كتير مو لاني دراما كوين، لانه أمي أخدت معها كل شي حلو، أنا هلق بستحي أضحك وإذا بدي أضحك شوي شوي مارح أعرف كيف”، مضيفة: “ما بعرف شو قادم الأيام أكيد الحياة بدها تستمر بس مو متل قبل ٢٦/٣/٢٠٢٢”.

وختمت شكران كلامها بالقول: “دائرة معارفي وأصدقائي صغرت كتير كتير كتير، تقريبا عدد الأيد الوحده، أمي أخدت معها كتار حقيقة ومجازياً طبعاً.. خسارتي كبيره كتير ورح ضل أبكي ع فكره ورح ضل حزينه، هي أمي مو حيالله واللي بيحبني حقيقة بيقدر هالشي وبيدعيلي أو فليصمت ويبتعد.. أنا هلق بالضبط متل بنت صغيره كانت ماسكة ايد أمها فجأة، هالإيد راحت والبنت بالعجقه عم تدور ع أمها وتبكي وتقول للعالم بدي أمي بدي أمي”