ريما الرحباني : بدك تسمحيلي يا الك زمان ما منضفة دينيكي يا اما ما سمعتي الاداء
اوضحت المخرجة اللبنانية ريما الرحباني موقفها من غناء الفنانة اللبنانية اليسا للسيدة فيروز في حفل “ليلة امل” الذي شاركت به الى جانب كل من الفنانة اللبنانية هبة طوجي والموسيقي اللبناني العالمي ابراهيم معلوف وبقيادة الموسيقي اللبناني اسامة الرحباني، وذلك بعد الانتقاد اللاذع الذي وجهته للحفل مؤخراً.
وقالت :”بعدين سؤال كمان حشري انا ما حددت مين عم ينشز! كيف تقرر انو بس اليسا؟ سي غراف! بيفهموا ع ذوقن وبيقولوني شي ما قلتو مش بس نشاز مزحطين عن الطبقة من اساسو! يبدو كان في تزحيط يومتا هيدا اذا إستثنيا العَرْ اللي ناجم من الأغاني الرجالية هالجعير الزايح وبهالعمر! شو مخلايين لآخرتكن آخ يا الله”.
وعادت واضافت في ردها على احدى المتابعات التي سألتها لماذا قصدت اليسا فقط:” اذا هيك بدك تفهمي تترتاحي انت حرة! بس انا كنت عم دافع عن اليسا اذا بتقري منيح البوست! ودافعت عنها لأن الكل مسح فيها الأرض قبلما انا انطق بحرف! واساساً اذا بيهمك تعرفي قلت اللي قلتو بالبوست لأن الكل مسح فيها الأرض! وكأنها الثغرة والوحيدة بهالحفل العالمي! ولو الطبل بيفهم وعن جد بيحب اليسا اساسا ما كان بيحطا مع ام اربعة واربعين اوكتاف بديو مشترك فوق الدكة! تيبهدلها أكتر! حتى بهيدا التعليق بعدني عم دافع عنها لو هيي مصرة عمل نكايات وحاطة بكعاري كأني مدري شو عاملتلا او كأن ما بالي الا فيها! تصطفل! القوات اساسا كلن هيك ما بيسمعوا وبيقشعوا غير فكرتهن! ودافعت عنها مش كرامة عيونا دافعت عنها لأن فعلا مش هيي المسؤولة! اللي ممشيها مسؤول عن كل الأخطاء اللي صارت! وهون ما عم إحكي عن اذا بيحقلن او ما بيحقلن يغنوا اساسا هالأغاني”.
واضافت:” اما اداءها ناجح؟ بدك تسمحيلي يا الك زمان ما منضفة دينيكي يا اما ما سمعتي الاداء! إءْ ارجعي سمعي”.
