اعتزال عمرو اديب يفاجـ ـئ الجميع
فاجأ الاعلامي المصري عمرو اديب الجمهور بإعلانه اعتزال العمل الاعلامي خلال سنة، قائلاً:”التليفزيون خبرات كبيرة أوي.. ده أنا لغاية دلوقتي بغلط وبتلخبط ولحد دلوقتي بعمل مشاكل أنا مش عبقري أوي، باقيلي سنة بالكتير وأبطل إعلام، ده لو كملتها كمان”.
وقال اديب خلال برنامجه الحكاية الذي يعرض على قناة «ام بى سى مصر»، أنه بدأ حياته المهنية صحفيًا إلى أن جاءته فرصة للعمل في قناة أوربت وكانت أعجوبة وقتها.
وقال إنه كان يعتقد أنه سيعمل معدا، ولكنه فوجئ أنه سيعمل مذيعا، وذهب لمدينة الإنتاج الإعلامى مضيفا:”عمري ما وقفت أمام كاميرا في حياتي ولا اتكلمت في ميكرفون ولا أعرف بيتكلموا إزاى، وكان حينها المذيعين يتكلموا باللغة العربية مش بالعامية زيي كده دلوقتي، ومكنش في مذيع تخين وأصلع، كان لازم المذيع يكون جان”.
وانتقد اديب عدم اعطاء الفرصة للشباب في المجال الاعلامي، وقال:”ليه مفيش مذيعين جداد، ومن فترة هما للأسف على قلبكم نفس المذيعين وأنتم متضايقين منهم يعنى، لأن الله حباني بناس قالت لي اشتغل، نيلت الدنيا وبردو قالولى اشتغل، طلعت على الهوا وغلطت واشتغلت”، مضيفا:”اعطوا فرصة للشباب الجدد”.
