محمود سعد عن والده: لم أتأثر بوفاته ومكنتش عايز أعمله عزا

كشف الإعلامي محمود سعد أنه لم يتأثر بوفاة والده، ولم يكن يرغب في إقامة عزاء له بسبب معاملته له، مشيرا إلى أنه لم يسأل عنه في طفولته ووالدته هي من كانت ترعاه، معربًا عن استيائه الكبير من مثل هؤلاء الآباء الذين لا يسألون عن أبنائهم كيدًا في زوجاتهم.

وتحدث الإعلامي محمود سعد عن والده، في لايف له في “فيس بوك” قائلًا: يوم ما انتقل والدي إلى جوار الله، كنت بقول إني مش هزعل لأن بيني وبينه هجر وغدر، وجرح في قلب، بيني وبينه طريق وفراق وطريق هو اللي بدأه.

وتابع محمود سعيد: والدتي فضلت 27 سنة تربي في 4 عيال، مهتمتش ولا استمتعت بحياتها، أسرتها كانت عادية، لكن ربنا ساعدها، ولما والدي توفى كنت في مكتبي ووالدتي بلغتني وطلبت مني أروح له بسرعة وبالفعل سيبت الشغل ونزلت، والدي كان موصي أخويا الكبير قبل ما يموت أنه يدّفن مع جدتي من أمي لأن كان بيحبها جدًا.

وأضاف محمود سعد: لما والدتي طلبت مني أنزل نعي في الجونال، قولت لها الناس متعرفش أني ليا أب أصلا لكن أمي أصرت على إننا نعمل عزا، ولما والدي توفى متأثرتش ولا كنت حاسس بحاجة، أنا حتى مش فاكر هو مات امتى، أن أبويا كان خالع نفسه من حياتنا رغم أنه كان غني.

واستكمل محمود سعد: ورغم إن تربية أمي نجحت ومطلعتش مجرم ولا صايع، لكن لغاية دلوقتي لما اسمع حد بيتكلم عن أبوه بتضايق، ولما كبرت بقيت أقول أبويا قالي إيه أو إيه الذكرى اللي سابهالي ملقتش حاجة.

كما حرص محمود سعد على توجيه رسالة للآباء قال فيها: لكل أب مبيسألش على عياله، مراتك أنت وهي أحرار، لكن العيال هتكبر ومش هتنسى، هتفضل تيجي سيرتك بشكل مش كويس، وإنك تسأل على عيالك دي مش رحمة ولا مودة منك.. دا واجب، إزاي تصب غضبك من مراتك على عيالك؟