حورية فرغلي تكشف علاقتها بـ قاتل نيرة أشرف “صعب عليا الولد”
كشفت الفنانة حورية فرغلي عن رأيها في الاحداث الأخيرة التي انتشرت، وبالأخص قضية نيرة أشرف، إلى جانب رأيها في اتهام البعض للفن بالتسبب في انتشار الحادثة
في التفاصيل، تحدثت حورية فرغلي عن رأيها حول قضية نيرة اشرف قائلة: “تعاطفت مع الفاعل، زي ما تعاطفت مع نيرة، وصِعِب عليا الولد؛ لأنه صغير جدًا وما عندوش خبرة، وبيصدق كل حاجة”.
وتابعت حورية:” حبَّها جدا، وغار عليها غيرة عمياء، وفي رجالة لما بتغير؛ بتنهي حياة، وتكون البنت ما عملتش حاجة، يعني من نوعية أنا ما حدش يضحك عليا، وأنا ما يحصلش فيا كده”.
وأضافت حورية فرغلي: “هما كانوا صحاب، وساعدها في المذاكرة، وبدأ يحبها قبل ما تكون موديل لأنه حبها لشخصها، فبدأت تغيَّر طريقتها معاه، وسمعت رسالة من الرسائل اللي انتشرت وهي بتقول له: أنا لقيت واحد أحسن منك، وفي رجالة لما تسمع الكلام ده؛ يوصل بيهم الموضوع لانهاء حياة الشخص الثاني”.
وواصلت الفنانة المصرية حديثها قائلة: “الولد قال الكلام ده في المحكمة، وما حاولش حتى يكذب أو يجمل اللي عمله، وفي رجالة كتير بتكون مريضة بمرض الغيرة، بس برضو ما يوصلش للفعل بالمنظر ده”.
أما عن رأيها في اتهام البعض للفن بالتسبب في انتشار الحادثة قالت: “الفن عمره ما يتسبب في كده، اللي بيقول كده؛ ينشر الأفلام دي، ويوريها لينا، أنا شخصيًا، رفضوا يخلوني أقدم الجزء الثالث من مسلسل ساحرة الجنوب؛ بسبب مشاهد الرعب اللي فيه، لكن الفن بيمثل الواقع”.
وطالبت فرغلي وسائل الإعلاام بتحري الدقة في نقل التصريحات على لسانها، سيما وأن تصريحاتها في هذا الشأن قد انحرفت كلياً عن مقصدها.
