اول تصريح لـ نادين الراسي بعد وفاة شقيقها جورج الراسي : هيدا قتل ومنو حادث
خرجت الممثلة اللبنانية نادين الراسي عن صمتها وصرحت لاول مرة بعد وفاة شقيقها الفنان اللبناني جورج الراسي على اثر تعرضه لحادث سير مروع ليل اول من امس على طريق المصنع.
ومن خلال تسجيل صوتي خاص لموقع “الجرس”، قالت الراسي:”خي جورج انقتل، قتلولي خي، مين مسؤول عن هيدي الطريق، كيف تاركينا هيك، جورج بسوف، جورج شوفير، وجورج قلبوا قوي”.
واضافت الراسي متوجهة للاعلامية نضال الاحمدية بالقول:”خي انقتل يا نضال من ورا وزير الاشغال، من ورا مافي اضاءة عالطرقات، جورج انقتل”.
وتابعت نادين عن سبب وفاة شقيقها:”طقت رقبتوا على السرعة وفات الدركسيون بصدره، وزينة رفيقته نفس الشي، هيدا قتل ومنو حادث”
واكملت:”جورج ما بروح فطيس ولا بروح رخيص، دم جورج ما بروح هيك لو بدها تكلفني عمري، بدي ارفع دعوى على وزير الاشغال وعلى كل شخص له يد بهذا الموضوع، واذا القضاء ما اخجلي حقي كالعادة دم جورج الراسي ما بروح هدر”.
واضافت:”والله يا نضال بحرقلوا قلبو لوزير الاشغال وهيدي مسجلة عندك لان حرق قلب امي على جورج، بدي فوت عالحبس؟ ابه اكلة شاربة نايمة ما بدي شي، بدي دم خي ما يروح هيك”.
