عمرو مصطفى يدافع عن شيرين عبد الوهاب … “ادعولها” !
دافع الفنان المصري عمرو مصطفى عن زميلته الفنانة المصرية شيرين عبد الوهاب، وذلك بعد الانتقادات التي طالتها خلال الساعات الماضية، بعد ظهورها وهي ترقص بطريقة مبالغ بها، إلى جانب زوجها حسام حبيب وابنتها، أثناء تواجدهم في أحد أماكن السهر في بيروت.
وشارك عمرو منشور عبر صفحته الشخصية على الفيسبوك، قال فيه: “مساكم خير، مفيش فنان على وجه الأرض بتكون حياته كلها جميلة لكل فنان “كبوة” ومش الفنان فقط الإنسان الطبيعي كمان لكل شخص فترة صعبة في حياته واختبار كبير وساعات بيكون مستحيل وصعب يسيطر على نفسه. شيرين عبد الوهاب، أسعدتكم كتير وممكن تكون هي في كبوة فنية زي ما كلنا بتحصل في حياتنا في ناس بتقدر تعدي وفي ناس من كتر الحروب مش بتقدر مهما كانت أفعالها ارحموها ربنا سبحانه وتعالى رحيم، ليه كل الفضايح دي؟ ليه كل الحروب دي؟ خلاص”.
وتابع: “ادعولها ربنا ينور بصيرتها لأن ساعات بيكون ده مش بإيدها يكون الدعاء فقط هو مفتاح رجوعها لحياتها وفنها… كلنا بنغلط بس المهم نرجع ونصلح، مكنتش عايز اتدخّل لأني اعتزلت الكلام في الشأن العام، بس دي آخر مرة لأن الموضوع مستفز… ربنا يهدي شيرين لبيتها وجوزها والفن اللي بيقدموه”.
