أهم الأخبارفن ومشاهير

تولين البكري تبرر غيابها عن مراسم عزاء وديع جورج وسوف : كل واحد بيعمل بأصله

بررت الممثلة السورية تولين البكري غيابها عن مراسم عزاء الراحل وديع وسوف نجل سلطان الطرب جورج وسوف، مشيرية الى انها تعرضت للخذلان من اقرب الاشخاص الذين وعدوها باصطحابها الى العزاء ولم يصدقوا معها.

وكتبت تولين، على حسابها عبر انستغرام، رسالة مطولة لـ سلطان الطرب جورج وسوف، جاء فيها: “للاسف ما عاد عندي حل لوصل عزائي إلا من خلال السوشيال ميديا، بما أنو معظم الناس اللي لجأت الهم لياخدوني معهم عالكفرون لقوم بواجب العزاء خذلوني.. مو مهم، كل واحد بيعمل بأصله، الدنيا محسوبيات ومظاهر… الأهم هو هالأب وهالانسان اللي قبل ما يكون فنان جورج وسوف (مع حفظ أسمى الألقاب له) بدي قله مصابك كبير كتير ومصابنا كلنا، وصعب شو ماحكينا وعزينا نلاقي بقاموس كلمات اللغة مفردات تبرد قلبك الكبير، وصعب كتير على أم وديع تتقبل هالفاجعة لفترة طويلة من الوقت، وأنا أم بزمانها راح طفلها صغير، وجنيت لبلشت استوعب حقيقة الفقد، فكيف إذا كان شب!”.

وتابعت: “حاسة كتير بوجعكم وبكل لحظة وأنا قاعدة لحالي عم بتخيل شو حاسين هلأ وعم يعصر قلبي من الوجع اقسم بالله، ولكن بعرف كمان ادي ايمانكم كبير بالله، ودايماً بقول شي وعن تجربة انو الوقت، أعظم دوا بالإضافة للإيمان، الوقت بس هو كفيل بترميم هالجرح، وأد ما كان في حواليكم ناس عم تحكي وتصبر وتعزي وأد ما اخدتو مهدئات طبية أو معنوية من العالم، أعظم دوا بالفترة الجاية هو الصبر والايمان والوقت، كفيل انو يخفف (شوي) من مصابكم”.

واضافت تولين في منشورها: “لا تحرقوا قلب وديع بدموعكم لانو هو هلأ بمكان احلا بكتير من هون ودموعكم ووجعكم وأنينكم رح يزعلوه كتير، ادعولوا ونحنا عم ندعيلكم من قلوبنا، الله يبرد حرقة قلبكم ويصبركم على مصابكم ويمرق الأيام الجاية على خير لانو صحتك بتهمنا يا أبو الوديع، خليك قوي ومؤمن متل ما منعرفك، ودموعك انت وأم وديع نار عم تكوي قلوبنا، ربنا يكون معكم وكلنا ولادكم”.

تولين البكري

ترندنغ

زر الذهاب إلى الأعلى