طليقة سعد الصغير توجه اتهامات جديدة له: صورني دون ملابس .. وهو يرد

وجهت الراقصة شمس اتهامات جديدة لطليقها الفنان المصري سعد الصغير مشيرة الى انه صورها بدون ملابس وفي وضعيات مخلة، الا ان الاخير سارع للرد.

وقالت شمس في تصريحات جديدة لها: “سعد الصغير صورني وأنا عريانة ونايمة جنبه على السرير، ومش عارفة عايز مني إيه.. وقالي لو عرفتي تعملي حاجة أولاني اعملي تاني”.

وتابعت متوجهة لسعد:”مش عارفة بتعمل معايا كده ليه ولا عايز مني إيه، أنت عندك بنت خاف عليها وحسبي الله ونعم الوكيل فيك”.

وأضافت: “كنت حامل في الشهر السابع و10 أيام، ومكنش في أي حاجة أو مشكلة، ومكنتش عايزة أخلّف منه، وقالي قبل كده متنزليش الطفل ده وبعد كده غير رأيه”.

واكملت:”بعدها بفترة جابلي بلطجية ودخل عليا البيت من 12 الضهر وفضل يكلم الدكاترة ويضربني، والدكتور قالي مش هينفع تعملي العملية لأن الجنين عمره 7 شهور، راح سعد قال للدكتور أنت هتعملها يعني هتعملها، والدكتور قالي هعملك العملية وأجهضني”.

من جهته، رد الفنان سعد الصغير على اتهامات طليقته هذه له، وقال في تصريح لموقع “القاهرة 24″:”أنا أبويا مربيني وبتقول عليا كدا لأني كنت ببعتلها فلوس وبطلت من وقت الكورونا، وإزاي صورتها وهي اللي كانت بتحضني في المطار وتتصور معايا وتقولي لي أنت حبي الأول والأخير وقولتلها بردو مش هبعت فلوس مش كل شوية، كفاية”.

وأضاف سعد الصغير: “شمس بتطلع شكلي وحش قدام الناس ومع ذلك أنا مش هطلع شكلها وحش ولا هفتري عليها، وهي بتنسى تقول إنها جالها فيلا وعربية وإني ببعت لها فلوس هي دي كمان فيها كدب؟ يبقى الورق اللي معايا مش بيكدب”.