نبيلة عبيد في ندوة تكريمها : أنا مبقتش أم عشان أتفرغ للسينما

كشفت الفنانة المصرية نبيلة عبيد عن دهشتها من عدم تلقيها أي عروض للمشاركة في الأعمال الفنية, رغم عدم اعتزالها للفن وتضحيتها بالكثير من الأمور من أجل هذه المهنة، وذلك خلال ندوة خاصة أقيمت ضمن فعاليات الدورة السابعة لمهرجان أسوان لأفلام المرأة.

وقالت عبيد: “أنا نفسي أشتغل تاني وأقف قدام الكاميرا، لكن دلوقت مفيش منتجين بيتواصلوا معايا، يعني أنا بشوف الفنانات الشباب وهم بيمثلوا بس هل هم مالهومش ماما، أو طنط، أنا وجيلي معظمنا مش بيشتغل دلوقت مع إن أماكنا موجودة وفاضية في المسلسلات أو الأفلام، مش عارفة إيه السبب إن مش بيتعرض عليا أدوار خاصةً إني لسه معتزلتش الشغل، خاصةً إني ضحيت بكل حاجة من أجل الفن”.

وأضافت: “هذه القصص ستكشف مدى صبري وتحملي وحرماني طوال حياتي من أجل السينما، أنا مباكلش لحد دلوقتي علشان أبقى بالشكل ده، لأني من يومي بعمل مشروع نبيلة عبيد، وده خلاني آجي على الإنسانة علشان تفضل الفنانة، ويكفي أني مبقتش أم علشان أتفرغ للسينما، وأنا مهما حققت من نجاح كنت تلميذة للمخرج لأنه رب العمل، واللي بيقول عليه بعمله وكنت بختار المخرجين اللي عاوزين يطلعوا بصورة حلوة”.