رضوى الشربيني عن سجدة زوجة حسن شاكوش : حركة أوفر جدا
علقت الإعلامية المصرية رضوى الشربيني على تصرف عروس فنان المهرجانات حسن شاكوش “بالمبالغ”، وذلك عقب سجودها سجدة الشكر لله فرحاً بعقد القران الرسمي.
وقالت ضمن برنامجها “هي وبس” والمذاع عبر قناة “سي بي سي سفرة”: ” هقول إيه، ست فرحانة بتعبر عن فرحتها، يمكن هي شايفة حسن شاكوش الراجل اللي تعمله الحركة دي في الفرح قدام الناس، صحيح هي حركة أوفر جدًا، وآخر حاجة كنا بنشوفها إن لعيبة الكورة يسجدوا لما يجيبوا جون”.
وأضافت قائلة: “آخر حاجة شوفناها إن العرايس لما تبقى فرحانة أوي وسعيدة تبوس إيد جوزها أو كتفه أو تحضنه، ولكن واحدة ست تسجد في فرح شكر لربنا قدام الناس والصحفيين، مشوفناهاش الكلام ده قبل كده، ولكن كل واحد من حقه يعبر عن فرحته بالطريقة اللي تعجبه”.
وتابعت رضوى الشربيني: “تعليقي أنا على الواقعة بعيد عن ريم طارق أنه إزاي أنا واحدة ست هانم انزل على ركبي ومنها على الارض قدام الناس بفستان الفرح ميصحش، وأنا كأنثى بأقول لا، ومشكلتنا والخوف لو تحول الأمر إلى ترند، وكل واحدة نلاقي ليها صورة وهي ساجدة في الأرض بفستان الفرح بتحمد ربنا على عريسها، ياريت يا بنات متعملوش كده أبداً”.
واختتمت رضوى الشربيني نصيحتها للبنات قائلة: “لما أجي أحمد ربنا، ربنا موجود، فإحنا نقدر نحمده طول الوقت، مش لازم أعمل سحبة مايكل دي، وأفرد دراعي وأحمده قدام الناس بالشكل ده”.
