ياسمين صبري عن فيلمها الجديد : هابقى اول ممثلة مصرية تقدم أكشن حقيقي

كشفت الفنانة المصرية ياسمين صبري عن أحدث أعمالها السينمائية بعد غياب طويل عن الساحة الفنية، مؤكدة أنها تستعد لبدء تصوير أول مشاهدها بالفيلم الجديد.

وخلال لقائها ضمن برنامج The Insider، على هامش تواجدها في دبي لحضور مهرجان علامة كارتييه للمجوهرات، قالت ياسمين: ” إن شاء الله فيه فيلم جديد أكشن كما يقول الكتاب، وهابقى من خلاله أول ممثلة مصرية تقدم أكشن حقيقي”.

وأضافت ياسمين: ” أنا حاليًا بتدرب تدريبات خاصة عشان هيتم تصوير مشاهد كتير ليها علاقة بالقتال والضرب، وفيه إمكانيات كتير أوي هتتوفر للفيلم أعتقد أول مرة يتم استخدامها في مصر”.

وعن أعمالها الأخرى، قالت ياسمين صبري: “أنا بشارك في فيلم أبو نسب، وأول ما أنزل من هنا هروح على التصوير على طول، وإن شاء الله يعجب الناس”.

وأضافت كاشفة بعض تفاصيل فيلم أبو نسب: “الفيلم كوميدي وفي نفس الوقت هيكون فيه رسالة، هو دمه خفيف وفيلم للعيلة كلها يعني اللي عنده سبع سنين هيتبسط واللي عنده 77 سنة هيتبسط”.