هجوم حاد من ريما الرحباني على مايا دياب بعد أدائها عدد من اغنيات فيروز

شنت المخرجة ريما الرحباني ابنة الفنانة اللبنانية فيروز والكبير عاصي الرحباني، مايا دياب بسبب ادائها عدد من اغنيات السيدة فيروز.

وكتبت ريما عبر حسابها الخاص على فايسبوك “تتكمل اللوحة التاريخيّة فجأة وبحجّة إنفجار المرفأ، ما عاد نعرف منين بدا تجي الضربة! من هاروت لعبير لمايا لغايا لآيا حفلة رايحة حفلة غايا… كل كبت الفنانين من كورونا والزربة بلا شغل فلتت علينا إلنا بفرد ضرب وعلى أغاني فيروز! وآخرن أوّل مبارح يبدو”.

وتابعت “يا ريتني ما شفت! يا شيخة اعتمديلك شكل تنعرفك فيه والله ما عرفتك! ساعة بتنفخّي ساعة بتنفسّي. بعدين عفواً يعني مينك انت تتقرّري أيمتى ووين محلُّن هولي الأغاني؟ وتعطينا درس بالأخلاق حشاكِ! بتعرفيها إنت للأخلاق؟”.

وأردفت: “روحي يا عيني إرجعي لمطرحك إنت! وطني قال! شو هال وطني اللي ناقصا تحيّة كاريوكا كان!… كوكتيل سايط طبلة وطبل من العيار الكبير. شو بدّو يحكي الواحد بهدلة ما صار ولا بيصير متلا”.

وتابعت: “عيني بعد إذنك تتقدري تشكري كل شخص وقف على هالسين! اللي ما بتعرفي إسما بالعربي وقدّم حالو! بدّك انت تكوني مقدّمة شغلك وحالك! مش مقدّمة شغل غيرك يا متسلّقة على أمجاد الآخرين فهمتي كيف؟”.

وتابعت “قال تحية منها للبنان وإهداءً لأرواح الذين سقطوا في تفجير بيروت في ٤ آب، شو هالمجزرة هيدي؟ شو هالعهر الفني! هيدا ياه بالزبط العهر الفنّي اذا حدا مضيّعو”.