نور عريضة تقلق الجمهور على صحتها النفسية : ما بحب عبّر و خبّر و اعطي تفاصيل
نشرت عارضة الازياء اللبناني نور عريضة منشورا شرحت من خلاله سبب ابتعادها عن مواقع التواصل الاجتماعي.
وكتبت نور عريضة عبر انستغرام: “لأول مرة بقول اللي بقلبي عن جد”.
وتابعت: “من اكثر الاسئلة و الرسائل اللي وصلت لي بآخر كم شهر بتقول: “وينك نور؟ ما عاد تنشري زي زمان؟ ليه اختفيتي؟ ليه ما منشوفك؟ هالشي رح يأذي شغلك! يمكن الناس ينسوكي! يمكن البراندز ينسوكي!”.
واضافت نور عريضة من خلال منشورها : “انا من النوع اللي بخبّي مشاعره. ما بحب عبّر و خبّر و اعطي تفاصيل… بس اليوم حسّيت يمكن برتاح اذا بحكي”.
مضيفة “هالسنة اللي مرّت كانت الاصعب عليّي..خسرت جدّتي و جدّي بفرق كم شهر.. أنا عايشة مشانهن كنت.. الوحدة بباريس قتلتني”.
وتابعت حديثها قائلة: “لازم كون الزوجة، و الام، و الطباخة، و المدرّسة، و ستّ البيت، و سيّدة الأعمال، بلا اي مساعدة.. انا و جورج وحدنا.. صوّرت بالاشهر الماضية المشروع الاصعب بمسيرتي و هو “صوت الناجيات” و من بعد اشهر و اسابيع عم شوف الظلم عن قرب، ما زلت لليوم ما تخطّيت هالمشاعر. و صرت حس كل شي ثاني تافه. و السوشيل ميديا تافهة، مقارنة بهالامور. حتّى جسديًّا تعبت هالسنة و انهار جسمي صحيًّا عدّة مرّات.”
لتختم حديثها قائلة :”المهمّ… هالمرّة حسّيت يمكن اذا بحكي و بفسّر، ممكن ساعد اي شخص حاسس حالو وحيد و تعبان و ناقصه تشجيع”.
