مايان السيد ترد على الانتقادات : حبيت أجرب الكوميديا

ردت الفنانة المصرية مايان السيد على الانتقادات التي توجهت إليها بسبب تقديمها الكوميديا لأول مرة، وذلك بمشاركتها في بطولة مسلسل “1000 حمد الله على السلامة”، والذي يعرض ضمن الموسم الرمضاني الحالي.

وقالت مايان عبر مقطع فيديو نشرته عبر خاصية الستوري في صفحتها الشخصية في انستغرام، ” أنا قررت السنة دي، إن ليه ماجربش وليه مالعبش وأنا كنت حابه إن أنا أعمل ده وأني أخد ريسك وأجرب أعمل حاجه جديدة بعيدة عني شوية”.

وأضافت: “ممكن يكون ناس كتير شافوا إن دمي مش خفيف مثلاً أو إن أنا مش لايق عليا الكوميدي، وده من حقكم إن يبقي ليكم رأي وأنكم تعبروا عن الرأي ده طبعاً وأنا من ناحيتي حلو إن أنا أعرف فين الانتقادات دي وإيه اللي أقدر أشتغل عليه ويبقي أحسن، لأن أنا لسه بتطور ولسه مش بعتبر نفسي إن أنا خلاص بقيت فنانة، أنا لسه بكبر ولسه بتعلم من الأساتذه اللي أنا بشتغل معاهم”.

وتابعت: “أنا فاهمة الانتقادات وفاهمة آراء الناس وأنا مستوعباها، وأنا يعني مش مغرورة عليها ولا شايفة نفسي إن أنا أحسن واحدة في الدنيا، أنا بس عايزة أقولكم من حق أي ممثل، إن هو يجرب ولو أنا ماكنش أحسن حاجة ليا السنة دي فإن شاء الله أتعلم وابقي أحسن، وفيه ناس برضو حبيت سماح كدا، وأنا مبسوطة إن فيه ناس حبت الشخصية وإن فيه ناس كتير بتتفرج على مسلسل 1000حمدالله عالسلامة ودي حاجة جميلة يعني”.