بهذا الشرط زينة توافق على التمثيل في دور عاشر وما طلبه منها محمد سامي بخصوص “جعفر العمدة” سيفاجئكم
كشفت الفنانة زينة أنها على استعداد للمشاركة في أي عمل تطلبها فيه الممثلة نادية الجندي، بغض النظر عن حجم الدور.
وقالت زينة خلال لقائها مع الإعلامية أسما إبراهيم في برنامج “حبر سري” المذاع عبر قناة القاهرة والناس: “نادية الجندي لو طلبتني في دور عاشر مش ثاني أعمل معاها أي حاجة، لإني بحبها من زمان، وكانت بتقف جنبي وتكلمني في برامج قبل ما أي حد يعرفني”.
وأضافت: “حاجة تزعلني لما أشوف حد بيغلط في تاريخ نادية الجندي الكبير ويمس اسمها، دي ثروة قومية بأفلامها، ولازم نحافظ عليها ونجرم اللي يضايقها”.
كما صرحت زينة أن المخرج محمد سامي اقترح عليها عدم المشاركة في بطولة مسلسل “جعفر العمدة”، الذي يعرض في شهر رمضان الجاري.
وقالت زينة “محمد سامي أفتكر له الخير، ولما كنت مش موافقة في الأول قاللي اعتذري ومتعمليش حاجة إنت مش مقتنعة بيها، وأنا شايف مكانتك أكبر من كده، وإنت جاية من نجاح جامد في مسلسل الليلة واللي فيها”.
