دينا الشربيني سعيدة بالعمل مع تامر حسني في تاج والاخير : نورتي فيلمك

أعربت الفنانة المصرية دينا الشربيني عن سعادتها بعد انضمامها لفريق عمل فيلم “تاج”، والذي يؤدي دور البطولة فيه الفنان المصري تامر حسني.

ونشرت دينا مجموعة من الصور من كواليس الفيلم، عبر صفحتها الشخصية في “فيسبوك”، وأرفقتهم بتعليق جاء فيه: ” تامر.. مهما اتكلمت أو قلت مش هعرف أشرحلك أنا سعيدة اد ايه بكلامك.. أنا كنت بحبك وبحترمك جداً على المستوى الفني”.

وأضافت: “دلوقتي لما عرفتك بحبك وبحترمك جداً على المستوى الشخصي.. ربنا يوفقك وينجحك اكتر واكتر وإن شاء الله تاج يكسر الدنيا زى كل اعمالك علشان المجهود الجبار اللي انت عامله فيه اللي انا شخصيا شوفتوا بعينى”.

وتابعت الفنانة المصرية في لقائها مع برنامج كلام نواعم على قناة:” mbc مبسوطة بالمشاركة في فيلم تاج مع تامر حسني، ومبسوطة بالعمل معاه، أنا كنت بحبه قبل ما اشتغل معاه، ولما اشتغلت معاه اكتشفت قد إيه هو إنسان طيب وجدع ونضيف، ومبسوطة بالمشاركة في الفيلم”.

وواصلت قائلة: “إللي بيتفرجوا على الفيلم مش هيعيطوا، وقولت له ازاي محدش عمل الموضوع ده؟، وبحب في تامر كمان أنه بيعمل الحاجة من قلبه، وهو لا ينام تقريباً حرصاً على شغله”.

وحرص تامر حسني، على توجيه رسالة إلى الفنانة دينا الشربيني، بعد موافقتها على مشاركته بطولة فيلمه الجديد “تاج”، ونشر مجموعة صور من الكواليس عبر حسابه الشخصي في إنستغرام، وعلق قائلاً: “النجمه الجميله دينا الشربيني نورتي فيلمك (تاج) ويارب الفيلم يكمّل سلسلة نجاحاتك الكبيره إللي كسرتي بيها الدنيا، ربنا يكرمك ويكرمنا معاكي”.

ومن المقرر أن يعرض الفيلم ضمن موسم أفلام عيد الأضحى 2023.