مدير اعمال شيرين عبد الوهاب يكشف حقيقة الخلاف بينها وبين انغام حول لقب صوت مصر

تحدث مدير أعمال الفنانة المصرية شيرين عبد الوهاب، إيهاب صالح، عن حقيقة الخلاف بينها وبين زميلتها الفنانة أنغام، حول لقب “صوت مصر”، وذلك بعد الجدل الحاصل خلال الفترة الأخيرة بين جمهور الفنانتين.

ونفى صالح علاقة أنغام بالمشاكل التي حصلت في حسابات شيرين عبر مواقع التواصل الاجتماعي، مبيناً أنها تكن لها كل الحب والاحترام.

وكتب إيهاب عبر صفحته في تويتر: ” هام لكل جمهور شيرين وأنغام، شايف بقالي كذا يوم كلام كتير رايح جاي في قصة الألقاب ومين صوت مصر ومعركة كلامية داخلة في منطقة مش لطيفة خالص”.

وأضاف: ” أنا الحمد لله على علاقة قوية بـ لنجمتين بقالي أكتر من 15 سنة، وكل الوسط يعرف ده كويس جدا، شيرين بتحب أنغام وبتحترمها من زمان وأنغام طبعا بتبادلها نفس الإحساس”.

ونفى صالح علاقة أنغام بالمشاكل التي حصلت مع شيرين في حساباتها: “كل الكلام والإشاعات العجيبة إن أنغام ورا مشاكل حسابات شيرين على السوشيال ميديا ده كلام ملوش أي صحة من الأساس، وأنا في المطبخ وعارف كويس جدا إيه سبب المشكلة، من حق جمهور كل نجمة يغير ويحب نجمته ويدافع عنها”.

وتمنى عدم تداول الموضوع بطريقة جارحة، مضيفاً: “بس طبعا من غير غلط وتجريح عشان إحنا أرقى من كدة، خلاصة الكلام شيرين وأنغام دول ‎أصوات مصر وقيمة كبيرة عندنا وفي الوطن العربي، استهدوا بالله كدة”.