فريدة سيف النصر تساند محمد فؤاد بعد الهجوم عليه بسبب تصريحاته عن السعودية
دافعت الفنانة المصرية فريدة سيف النصري، عن الفنان محمد فؤاد، وذلك عقب الهجوم الذي تعرض له، بعد إحيائه أحدث حفل له في السعودية.
ووجهت فريدة رسالتها لـ فؤاد عبر تدوينة نشرتها في حسابها الشخصي على “فيسبوك”، وقالت فيها: ” لله حسابات أخرى يا فؤاد يا محترم.. ما كفاية بقى يا جماعة تنمر وتنظير وتصيد أخطاء كفاية نذبح فنانين كبار على كلمة مجاملة اتقالت وهي صح عندهم أخلاق وحسن استقبال وكرم”.
وأشارت إلى أن كل فنان يوجه الشكر لأي بلد فهو لا ينكر فضل بلده عليه: “أنا لا بغني ولا بطبل ولا أنفع في العمر المحترم ده أعمل استعراض أو حفلة بأقول الحق ومش معنى أني أشكر في بلد يعني بلدي لأه، عمر دياب أكتر واحد بيجامل بس مش بالميكروفون وهما يتجاملوا بيشغلوا الناس اللي نسيناهم إحنا، لظروفنا مفيش حفلات.. هما السعودية دي مش عرب زينا ولا إحنا لازم نقلب الدنيا على بعضها”.
وانتقدت سيف النصر تصرفات مهاجمي فؤاد، طالبة من كل شخص أن يعاقب نفسه أولا ويرحم الآخرين: “فؤاد محترم واللي في قلبه على لسانه مايستاهلش كده.. ولو كل واحد يلوم نفسه ويعاتبها على تصرف على صورة أو أي قرف مش هيتكلم على غيره.. إنسانيا بقى له كتير ماشتغلش وكان مريض.. مين عارف عملوا معاه إيه.. خلصنا بقى هو لا بنرحم ولا يعجبنا رحمة ربنا بعباده كفاية بهدلة في بعض.. عيب ياحبايبي عيب”.
