بدرية طلبة بهجوم لاذع على متابع: ما تعمل راجل
أحدثت الفنانة المصرية بدرية طلبة، حالة من الجدل، بعد توجيهها رسالة قاسية لأحد الأشخاص الذي انتقد أعمالها، واتهمها بإجراء عمليات تجميل جعلتها تظهر أصغر من سنها الحقيقي، مؤكدة أنها لم تفعل ذلك، وحديثها عن أحفادها وسنها الحقيقي يظهران نيتها الحقيقية.
ووصفت طلبة نفسها بأنها “ملكة الكوميديا في مصر والوطن العربي”، حيث قدّمت أعمالا متنوعة حصلت خلالها على شعبية كبيرة، إضافة إلى تقديمها الشكل الواقعي للمرأة المصرية.
ونشرت طلبة عبر صفحتها الرسمية في “فيسبوك” مجموعة من الصور المتنوعة لشخصياتها في الأعمال الدرامية التي شاركت بها خلال الفترة الماضية، إضافة إلى صور تبين إشادة الجمهور بها.
وكتبت طلبة: “يوم ما تعمل راجل تعمل علي أسيادك وأسياد أهلك، طب ماتزعليش ياحلوة بقي، والا بلاش خليها مفاجأة، ودي صور من أعمالي قبل رمضان وفي رمضان علشان اللي بيقول عمليات التجميل خلتني واحدة تانية مش أنا وان اسم الله عليها ال أتخضت لما شافتني في مسلسل الاجهر ورمضان كريم حاطة ميكب أوفر واني بعمل تجميل علشان ابقي حلوة يمكن اعمل دور هانم ومش حيليق عليا علشان انا شكلي وصوتي شعبي”.
وأشارت إلى أن من ينتقدها يريد الحصول على الشهرة فقط: “طب يا لمصلحة مين الهري دا طب علقي على دور وحش عملته!! طب قولي حاجة انا غلطت فيها دا لو انت ناقد يعنى ولك الحق لكن يا الصور اللي انت حاطتها دي فعلا من مسلسل خليجي ومن ضيفة في برنامج في السعودية وصورة من مسرحية في السعودية ميكب خليجى يا عبوتس وكمان فيه حاجة اسمها تجميل بالميكب وفيه حاجة اسمها فلاتر العالم كله بيستخدمها يتصور بيها!”.
وأضافت طلبة غاضبة: “طب تجميل تجميل انت مال امك دانا بطلع في اي برنامج اقول اه عامله بس مش بالاڤورة اللي بتتكلمى عنها وبتتريقي وبتتنمري بيها عليا وتألف حاجات لدرجة ان المتابعين هجموك بال الا طبعا كام واحدة من متابعينك اللي شبهك ياحلوة اهدي علي نفسك اللي بيته من ازاز ميحدفش الناس بالطوب والا ايه”.
وأكدت أنها لن تحاول الظهور في سن أصغر: “يا أهبل اللي عايزة تحلي نفسها مش حتطلع تقول سنها وتحكي على احفادها وتعمل ادوار زي اللي بعملها انا بعمل اللي احافظ بيه علي شكلي وعلى نفسي ودا الست العاديه بقت تعملو والشعبية اللي مش عجباك شرف ليا انى معجبش واحد زيك برشوط على اي عشا وعلي اي سهراية وعلي اي صورة مع فنان تتفشخر بيها”.
واختتمت منشورها واصفة نفسها بـ”ملكة الكوميديا”: ” وكمان شوف بقي حاجة تانية قولها علشان انا لسه زي مانا العالم كله بيحبنيي ومحدش اخد ولا يقدر ياخد مكاني بدرية طلبة ملكة الكوميديا في مصر والوطن العربي غصب عنك وعن اللي زقك وعن اللي شبهك”.
