ميرهان حسين تتراجع عن اعتزال التمثيل وتوضح!

تراجعت الفنانة المصرية ميرهان حسين عن اعتزالها الفن، وأكدت أنها لم تكن تقصد ذلك، بل كان هدفها الابتعاد عن مواقع التواصل الاجتماعي لفترة من الوقت.

وقالت حسين عبر مقطع فيديو نشرته في إنستغرام: “أولا وحشتوني جدًا، وآسفة أني اختفيت عنكم الفترة دي، واختفيت عشان أرجع أحسن من الأول، بجد مش عارفة أشكركم ازاي على حبكم واهتمامكم اللي شوفته الفترة اللي فاتت شكرا لكل أصحابي وأهلي زمايلي والناس اللي بتحبني، وفعلا لولاهم مكنتش هعرف أعدي الأيام اللي فاتت دي”.

وأضافت: “بخصوص موضوع اعتزالي، أنا لم أكن أقصد إني بعتزل الفن أنا كنت أقصد إني بعتزل السوشال ميديا، اعتزل الناس لفترة؛ عشان كان عندي إحباط وعديت بفترة فيها إحباط زي أي بني آدم ممكن يعدي بفترات حياته بيتعب ويكتئب، وبوقفة الناس اللي بيحبوه جنبه بيقدر يعدي الوقت الصعب ده.”

وتابعت الفنانة المصرية: “كنت مش في احسن حالاتي وبوقفتكم جنبي ودعمكم ليا رجعت احسن وإن شاء الله الأيام اللي جاية يارب تكون الأحلى وأحسن في حياتي”.

واختتمت ميرهان حسين حديثها: “فعلا بوقفتكم جنبي وحبكم ليا إن شاء الله قادرة أعدي، وأوعدكم الفترة الجاية بحاجات حلوة وميرهان اللي بتحبوها، بجد شكرا”.

https://www.instagram.com/reel/CtowaZjufQh/?utm_source=ig_web_copy_link&igshid=MzRlODBiNWFlZA==