رامي جمال لـ عمرو مصطفى : لسه حد مزعلوش .. و هذا ما قاله عن خلافه مع محمد حماقي
حلّ الفنان المصري ضيفاً ضمن برنامج “حبر سري”، مع الإعلامية المصرية أسما ابراهيم، والذي كشف خلال اللقاء عن رأيه بتصريحات مواطنه الفنان والملحن المصري عمرو مصطفى.
ورفض جمال، تصريحات عمرو الأخيرة، حيث اعتبر بأن الملحن هو المبدع والمغني عبارة عن أداة، وقال: “لا طبعا أرفض الكلام ده أعوذ بالله .. مفيش حاجة في الدنيا متوقف على شخص والملحن الشاطر من غير كلمة وشاعر شاطر أداة، ومن غير موزع شاطر أداة، والمطرب الشاطر هو الفاترينة اللي من خلالها عرف وقدر يكون شاطر”.
وأضاف: “في نوع من النرجسية انا مبحبوش، لكن لسه مين مزعلوش.. مبقاش عنده حد لسه مزعلوش عاب في كل زمايله والأحسن بدل ما نعيب في بعض نكبر بعض أحسن”.
وتابع الفنان المصري: “عمرو من جواه طيب، لكن اللي بيشوفوا المشاكل ناس عادية فليه نصدر للناس مشاكلنا.. كلنا مراكبنا ماشية بفضل ربنا مش عشان أنت اللي بتقدم فيها”.
ومن جهة أخرى، كشف رامي جمال، عن الخلاف القائم بينه وبين الفنان المصري محمد حماقي، والذي ظهر في التوقف عن تقديم ألحان جديدة للنجم محمد حماقي، قائلاً: “مقدرش أعرف الخلاف سببه إيه من وجهة نظر حماقي”.
