تامر حسني يكشف سر من اسرار نجاحه المهني
كشف الفنان المصري تامر حسني عن سر من أسرار نجاحه، وذلك عبر تديونة نشرها عبر صفحته الشخصية في منصة “أكس”.
واعتبر تامر أن نجاحه هو بسبب الاقتداء بالأشخاص الناجحين والاعتماد عليهم خلال المسيرة المهنية.
وقال حسني: “في مقوله بتقول (( اللي ملوش كبير يشتريله كبير )) مقوله جميله بس انا من خلال رحلتي و قد ايه في قوه جباره الانسان بيستمدها من اللي بيحبهم بكل جوارحه .. طبعاً كلامي عن النجاح العملي في العمل اللي تحبه … فحبيت أقول المقوله بطريقه تانيه و هي (( اللي ملوش مثل أعلى يشتريله مثل أعلى )) والله والله والله لما بتحب حد ناجح و تتأثر برحلته او طريقته و نجاحه فعلاً بتقدر تبقى زيه و ممكن احسن كمان”.
وأضاف الفنان المصري: “ممكن طبعاً تنجح من غير ما يكون عندك مثل اعلى بس تركيزك بيبقى اقوى بكتير مع مثال قدامك حي بيخليك تشوف رحلته قدامك زي دليل ينورك على خطوات انت متعرفش نتايجها بس بتعرفها من خلاله بتشوف تفكيره في التطوير و تفكيره ازاي يتخطى الازمات و تفكيره في المواكبه لكل مرحله في حياته ازاي كسر سقف نجاحه عشان انت كمان تعمل زيه معلش بحب اوصلكم اي حاجه كويسه بتعلمها في حياتي)”.
واختتم تامر حسني: ” اللي ملوش مثل اعلى يشتريله مثل اعلى ) يعني يدور و يركز مع حد يحبه و يتعلم منه و على فكره مش شرط في مجاله ممكن تحب حد في مجال تاني و تحاول تطبق مراحله في مجالك ده كان كلام من واقع تجربتي و رأيي الشخصي … ربنا يوفقكم كلكم و توصلوا لابعد من احلامكم و تبقوا انتوا كمان مثل اعلى لناس بعدكم”.
