ديانا كرزون تكشف سبب اصابتها بـ الاكتئاب و الارق

كشفت الفنانة الأردنية ديانا كرزون عن دخولها في حالة من الاكتئاب والأرق، وذلك بسبب متابعتها للأحداث التي تقع في غزة.

وكتبت ديانا عبر صفحتها الشخصية في “انستغرام” تدوينة جاء فيها: “أنا جد دخلت في حالة اكتئاب مش طبيعية مش قادرة أستوعب شو عم بصير، في غصة كبيرة بالقلب ببكي من جوا وما باليد حيلة غير الدعاء، بتحس إنو الإنسانية عم بتخف كثير أو يمكن بلشت تنقرض أو بطل في قيم ومبادئ زي زمان”.

وتابعت كرزون: “قبل ما أتزوج كنت أحس أمي بتزودها شوي، قديش كانت تخاف علينا وبعد ما تزوجت حسيت قديش الضنا غالي كثير، ولا شي بالعالم بيسوى شي قدام ولادي يلي هم أهم شي عندي وبالمرتبة الأولى من وقت ما بلشت الأحداث وأنا بشوف كل أم فلسطينية كيف بتودع ولادها وقلبها محروق عليهم وبنفس الوقت قديش قوية وجبارة”.

وكشفت الفنانة الأردنية عن معاناتها مع الأرق والخوف على أولادها راشد وسلمى: “صرت ما أنام بالليل صار عندي أرق كل شوي أصحى أشوف راشد نايم واصفن فيه وأدخل عند سلمى بغرفتها واتطمن عليها آااااخ عالوجع ……الله يكون في عونكم يا الله وحسيبا الله ونعم الوكيل”.