انتقادات لاذعة بحق عمرو اديب بعد تصريحاته عن المقاطعة

أثار عمرو أديب الجدل بعد حديثه عن مقاطعة المحلات الخاصة بالاكل، والتي انتشر في الاونة الاخيرة عن دعمها للاحتلال الاسرائيلي في مواجهته للفلسطينين.

وكتب أديب تدوينة طويلة عبر صفحته الشخصية في منصة اكس، جاء فيها: ” هو ليه حضراتكم ماسكين فى مقاطعه الهامبورجر ده مش حيخرب بيت مصريين كتير فيه السجاير الامريكانى اللى بتتخانقوا عليها كل يوم فيه الادويه الامريكانى اللى بتفضلوها على البديل المحلى فيه كل عربيات النقل الامريكانى اللى بتنقلوا بيها كل الخضار والفاكهه وفيه القمح الاوكرانى اللى رئيسها اول واحد ايّد الاسرائيليه، فى الدنيا فيه كل الحاجات دي وفوقيها طبعا شركه ابل الامريكيه اللى رئيسها اعلن تعاطفه مع اسرائيل ضد عدوان الفصائل الفلسطينية”.

وتابع اديب في هجومه على المقاطعين: ” لو سمحتم اعملوا حصر كويس وقاطعوا بجد وعدوا معايا الخساير المصريه وعوضوا العمال الغلابه وشوفوا مين الكسبان من الخساير مصر ولا اعداء مصر ومحدش يقولوا ما هما لازم يضحوا ويترموا فى الشارع شغل الناس وانا تحت امرك وطبعا حضراتكم شايفين الوضع ولا محتاج اشرح”.

واضاف: ” وعاشان يبقى خراب مستعجل مش لازم الامريكانى بس فيه الاوروبى يعنى لازم متنساش الانجليزي اللى هو مسئول عن كل المنتجات المنزليه والغذائيه وخد معاك الفرنساوي كله وطبعا الالمان موقفهم واضح ولو عايز التحوط اكتر الصين بصراحه معملتش حاجه وطبعا مش حكلمك عالاتراك”.

واختتم الإعلامي المصري تدوينته قائلا: ” لما نبقى تنتج حاجتك ومش بتستورد ٨٠ فى الميه منها نبقى نتكلم . الناس يا جماعه فى الشارع حرفيا . ودى كلها مصانع طلع عين البلد علشان تفتحها من خلال فلوس مصريه وعماله مصريه كل اللى موجود هو العلامه التجاريه بتاعت الخواجه اللى واقف جنب اسرائيل وحيفضل جنب اسرائيل”.

للمزيد تابعوا التقرير.