اول رد لـ التيكتوكر فاتيما بعد هجومها على السعودية بسبب موسم الرياض
ضجت مواقع التواصل الاجتماعي خلال الساعات القليلة الماضية بأول رد للتيكتوكر اللبنانية فاتيما بعد حملة المقاطعة التي تتلقاها من السعوديين بعد هجومها على السعودية وموسم الرياض.
وظهرت فاتيما في مقطع فيديو عبر صفحتها الشخصية في تيكتوك تبرر من خلاله موقفها، وبأنها لم تقصد الاساءة للسعودية، كما تحدثت عن تعرضها للتهديد.
وقالت في المقطع المتداول: “في موضوع لازم نحكي عنو مع بعضنا، اكتر شي مزعلني وقاهرني انو عم تقولوا انوانا طلعت وسبيتكن، اذا انا حطيت لايك على بوست بالغلط وانتوا اخدتوها كمسبة، فأنا ما قصدي وبعتذر عن هيدا الشي لانو هيدي ما كانت نيتي، ما بعرف ليش اخدتوها بهالطريقة وكبرتو الموضوع، وبحس الموضوع اخد حجم اكتر ما بيستاهل”.
وتابعت فاتيما في ردها عن ضحكتها في الفيديو: “الموضوع ما بيضحك، بس نحنا صرنا اربع سنين مع بعض على التيكتوك، فالمفروض تعرفوني اكتر من اي حدا تاني، فأنا مصدومة من هالشي، واذا انتوا قررتوا تقاطعوني وما تابعوني، ما ضروري تهددوني وتهددوا عيلتي وتحوا الحكي الي عم تحكوه، بلكي انتوا صرلكن فترة مش حابين وحابين المحتوى الي عم قدمو، بس مش يعني تعلقوا على شي متل هيدا الموضوع، في قصص اهم بكتير عم تصير بالحياة لازم نركز عليها بدل ما نقعد نقلب على بعض ونعمل فتنة، بتمنى نركز على الاشيا الاكبر والاهم”.
