احمد حلمي يكشف عن تعرضه لـ التنمر من قبل فنان مشهور

حلّ الفنان المصري أحمد حلمي ضيفاً ضمن برنامج Sold Out، مع الإعلامي المصري محمود سعد، عبر قناة CBC.

وتحدث أحمد خلال اللقاء عن موقف حدث له في طفولته، إذ قال: ” في طفولتي كنت شقي جدا، كان عندنا حمار بعربية كارو دايما تحت البيت وفي مرة عضني، وأعتقد إن ده الحمار الوحيد اللي في العالم بيعض، وروحت للدكتور وقال لي أنا محدش قال لي قبل كده إن عضه حمار”.

كما تحدث خلال اللقاء عن تعرضه للتنمر من قبل فنان مشهور، وقال حلمي: ” تعرضت للتنمر بسبب أذني، لأن وأنا صغير كنت بقوم بثنى أذنى وأنام عليها، كل يوم وأنا نايم بتني أذني، فبقى عندى ودن أكبر من ودن”.

وتابع: “كنت في أولى إعدادي، في مرة كنت في فرح بنت خالتى على مركب، وكان في فنان كلنا بنحبه في الفرح، وروحنا عشان نشوفه وواقفين قدامه وبنضحك ببراءة كده، راح قال لصاحبه الحق ميكي ماوس”.

واستطرد: “تضايقت جدًا إن حد اتريق عليا.. وعمري ما نسيت الحكاية دي، وبعدين قابلت الفنان ده بعد كده، لكن مفكرتوش بالموقف ده”.

وأوضح: “تعلمت إن أي حد بيتكلم معايا أقابله بالحب، وده من المواقف اللي اتعلمت منها”.