نجوى ابراهيم تعلن اصابتها بمرض السرطان و توجه رسالة لمنتقديها

أعلنت الفنانة المصرية نجوى ابراهيم إصابتها بمرض السرطان، وذلك في رد على منتقديها الذين طالبوها بالاعتزال، مبينة على اقترابها من اتخاذ هذا القرار بسبب الضغوطات التي تتعرض لها عبر منصات التواصل الاجتماعي.

وقالت نجوى: “يا نهار أبيض على ما قيل، عدد كبير جداً فوق الـ2000 شخص، منهم 500 هما ضروري عارفين نفسهم ما تروحوا يا جماعة تتعالجوا، عايزين إيه؟ أعتزل؟ ما أكيد الإنسان هيعتزل، ممكن الأسبوع الجاي ماتلاقونيش لأني خلاص زهقت واختنقت، مش معقول الواحد هيفضل طول العمر يكلمكم ومش على آخر العمر الواحد يأخذ كل ده”.

وتابعت الفنانة المصرية: “في حاجة كمان ليه الناس بتبص لبعض وتستكثر على بعضها الخير، من قبول أو ابتسامة أو أموال، ليه؟ ما تقولوا الحمد لله ما شاء الله يا رب نبقى زيه، أنتم إيه اللي يريحكم؟ إني أعتزل طيب قولوا لي هعتزل”.

وكشفت ماما نجوى عن إصابتها بمرض السرطان وقالت: “أنا عندي 80 سنة وغلبانة وعيانة وعندي سرطانات، إيه اللي يفرحكم؟ ما فيش حاجة حلوة بتفرحكم؟ طيب أنا كبيرة وعندي سرطان وعملت 7 آلاف عملية وهعتزل قريب وهموت قريب، هدوا نفسكم والنبي مش علشاني أنا مش جاية أعمل مستقبل وأربي عيالي أنا جاية فرحانة بيكم وبعمل أوفر تايم وسعيدة وبتشرف بكلامي معاكم حبوا بعض وشغلوا قلبكم شوية”.