سوسن بدر تكشف سبب عدم خضوعها لـ عمليات التجميل : بحب خطوط وجهي
حلّت الفنانة المصرية سوسن بدر ضيفة ضمن برنامج “ضيفي”، مع الإعلامي المصري معتز الدمرداش، إذ تحدثت خلال اللقاء عن فكرة الخضوع لعمليات التجميل.
وأشارت سوسن بأنها لا تحب تغيير شكلها وتحب كثيرا الخطوط الموجودة في وجهها مؤكدة إلى أنها لن تحصل على دور فتاة جامعية أو في المرحلة الثانوية لذا لا تحتاج أن تبدو أصغر عمرا.
وقالت سوسن: “أنا دلوقتي بقيت كده وزي ما الناس قبلتني زمان وحبوني، هيحبوني دلوقتي وأنا كده ويحبوني بعدين وأنا أكتر من كده، والخطوط اللي عندي في وشي أنا بحبها جدا، أحط حقنه في وشي ليه؟ أنا مش ضد ده كل واحد حر يعمل اللي يبسطه أنا اللي باسطني أني محافظة على حواديت عمري في وشي”.
وتابعت بدر: “أنا مش هيتعرض عليا دور بنت في الجامعة ولا ثانوي هيجلي دور مناسب لسني وشكلي زي ما أنا كده واللي عايز يعمل يعمل، كل واحد يعمل اللي يبسطه”.
وكشفت سوسن بدر عن أبرز ملامح طريقتها للمحافظة على قوام رشيق، سواء باتباع نظام غذائي مناسب، أو ممارسة أنواع معينة من الرياضة.
وقالت الفنانة المصرية : “أنا مش حارمة نفسي من حاجة، لإني لو حرمت نفسي ممكن أنفجر في الأكل مرة وحدة، أنا أكلي مرتين في اليوم، فطار كويس جدا، وآخر وجبة مع الغروب كإني في رمضان، وآكل كل حاجة لكن الحلويات على طرف الشوكة لو نفسي في حتة بسبوسة”.
وأضافت: “مقدرش آكل فاكهة كتير لأنه سكرها يسبب الجوع أكثر، لكن ممكن أضيفها على السلطة”.
