صابرين تكشف سبب نحافتها المفرطة في مسار اجباري

كشفت الممثلة المصرية صابرين ضمن تصريحات إعلامية أسرار نحافتها المفرطة التي ظهرت بها في مسلسل “مسار إجباري”، لتجيب بذلك على تساؤلات الجمهور حولها.

وقالت صابرين: “كان بقالي أكتر من سنتين شبه منفصلة، وبشكر كل الصحافة لأن لما نزل الموضوع، احترموا كلمتي لما قلت إني منفصلة من زمان ومش بحب أتكلم في حياتي الشخصية، وبحترم أبو أولادي جداً، وبقالنا فترة طويلة منفصلين ومش خبر جديد علشان نتكلم فيه فاحترموا ولادي بس”.

وعن “اللايف ستايل” الذي تعتمد عليه، قالت صابرين: “بقالي فترة طويلة، بعد مسلسل “ليالينا 80″، بدأت أعمل “لايف ستايل” في الأكل بالراحة، وبصراحة مش هكذب على الجمهور كان فيه مساعدات خارجية، وقعدت فترة باخد الحقن والإبر للتخسيس، وساعدتني أوي بس وقفت بسرعة، ومانصحش بيها لكنها جابت نتيجة معايا وبعدها استمريت في النظام الغذائي بدون إبر لما لقيت الدنيا مشيت، وأنا مش من النوع الأكّيل لكن الحقن ساعدت في الحرق، فلقيت نفسي بنزل بسرعة ومع الاستمرار على النظام الغذائي لقيت الدنيا لذيذة وأحلى صحياً وشكلاً وموضوعاً”.

وأكدت صابرين أن أكثر ما أعجبها في تعليقات الجمهور على مسلسل “مسار إجباري” هو مقولة “إحنا مصدقينكم”، إذ قالت: “أكتر حاجة بتعجبني في تعليق الناس، إحنا مصدقينكم، ودي أهم حاجة في العمل إنك تاخديهم ويصدقوكي، مش مين لابس إيه وشكله عامل إزاي والشنط والسينيهات والبرندات لكن طريقة التمثيل بسيطة”.