بسمة وهبة تطلق استغاثة ثم تحذف الفيديو
نشرت الإعلامية بسمة وهبة عبر حسابها الخاص في “إنستغرام” مقطع فيديو أطلقت من خلاله استغاثة بالدكتور خالد عبد الغفار وزير الصحة المصري، لعلاج الصحافي محمد معوض مُعدّ برنامجها “العرافة”، موضحة أنه أُصيب بوعكة صحية وتم نقله إلى أحد المستشفيات الخاصة بأكتوبر، ولكنه لم يلقَ أي اهتمام.
وقالت بسمة: “وزير الصحة الدكتور خالد عبد الغفار، أنا الإعلامية بسمة وهبة، ومعايا من فريق الإعداد محمد معوض ومراته كلّمتني لأن هو تعبان جداً وقولتلها تجيبه على مستشفى سعاد كفافي، وإحنا بقالنا ساعة ونص من وقت الفطار وإحنا موجودين في الطوارئ ومحدّش بيغيثنا والناس قاعدة بتصلّي وبتاكل”.
وتابعت: “محدش بيدّيله دواء ولا حد نقله في أوضة وقالوا لما تدفعوا والراجل تعبان جداً، وأنا بحمّل المستشفى المسؤولية لو حصلّه حاجة، علشان متفتكروش إن لينا معاملة خاصة، راجل محترم صحفي وتعبان وعنده عيال ومحدّش عنده رحمة ونفسه مش طالع، مع أن دي من المستشفيات اللي كنت بشكر فيها، أنا بستغيث بوزير الصحة”.
وأصافت بسمة وهبة باكيةً: “أنا بحب الناس اللي معايا وبيشتغلوا معايا، معوض ده راجل غلبان وعنده ولاد، أنا زعلانة عليه وعايزة ألحقه مش أكتر”.
وحذفت بسمة وهبة الفيديو بعد دقائق من نشره، ثم نشرت عبر خاصية القصص المصوّرة مقطعاً مصوراً آخر كشفت فيه عن اعتذار المستشفى وعمل اللازم مع مُعد البرنامج، وأن المستشفى أكدت أن هذا تصرف فردي من أحد الموظفين.
