يسرا تكشف سبب انزعاجها في الفترة الاخيرة: التقدير مش موجود

حلّت الفنانة المصرية يسرا ضيفة ضمن برنامج Big Time Podcast، مع الإعلامي المصري عمرو أديب، على قناة MBC، وخلال لقائها كشفت يسرا عما يزعجها في الآونة الأخيرة، إلى جانب حديثها عن تجربتها في فيلم “ليلة العيد”، الذي عرض الفترة الماضية في دور العرض السينمائي، وسبب تأخر عرضه لمدة عامين.

وقالت يسرا: “لما بتحب حاجة بتعملها بقلب وضمير وجهد غير عادي، فلازم يكون في تقدير، ولما تحس إن التقدير مش موجود بتحزن على مجهودك، وفي مرات أقول مش عايزة أكون موجودة دلوقتي، وبسافر علشان مش حاسة إني مرتاحة”.

وأضافت الفنانة المصرية: “فيلم ليلة العيد، موضوع مهم وحلو واتأخر سنتين، حبيت أعمل كوميدي وكانت تجربة إني أشيل كوميدي لوحدي خطر لأني مش ممثلة كوميدي، أنا عايزة اللي حواليا يسندوني، وفرحانة إني عملت التجربة دي لأني حسيت بإنجاز، وروحت في سكة مش بتاعتي ونجحت فيها”.

وتابعت يسرا: “أنا وعادل إمام عملنا 17 فيلماً كوميدياً، بس الأفلام كانت ليها مواضيع، مكنش ليا دعوة كان ممكن يحطوني في موقف كوميدي ويكون هو اللي عمل الموقف الكوميدي مش أنا”.