ياسمين عز تعلق على طلاق نيللي كريم و هشام عاشور
علقت الإعلامية المصرية ياسمين عز على خبر طلاق نيللي كريم وهشام عاشور خلال برنامجها كلام الناس، وقالت: “من دقائق، انتشرت أخبار عن طلاق النجمة نيللي كريم وهشام عاشور، ودايمًا وطول الوقت لا أحب أقول أخبار طلاق، ولا أحب أن نكون طرفًا فيها، لأن المواقع مكفية وموفية، عاوزة أقول إن حياة الفنان أو الشخصية العامة، أوعى تفكر إن حياتك خاصة، حياتك كمان عامة، الناس هتفضل تفتش وتحب تسمع أخبارك سواء اتجوزت أو اتطلقت، وأتمنى نقف عن إعلان الطلاق ومالناش دعوة بقى بأسباب الطلاق، مالناش علاقة مش موضوعنا ومش قصتنا، وربنا يقدم لهم اللي فيه الخير، وعادي ناس كتير بتتجوز وتطلق”.
وتابعت ياسمين عز: “لكن، ويستوقفني هو إن ماحدش بقى بيعمر ودي من المؤشرات الخطيرة في المجتمع، وكل واحدة تحافظ على جوزها، بتكلم بجد، لأن مؤخرًا حقيقي محدش بيعمر، ماتفهمش عين ماتفهمش حسد، مش عارفين، دايمًا باخد بالي إن اللي بيكون مضطر يوري حياته للناس، الشخصيات العامة والمشاهير، مابيعمروش، فلازم تبقى خبيث في حياتك الشخصية، عشان تعمري مع جوزك سواء شخصية عامة أو مش عامة، داري على جوزك وداري على بيتك ومتنشريش ومتعلنيش وماتبينيش إنك سعيدة، اتخابثي يا مدام عشان العواقب مش سليمة”.
للمزيد تابعوا التقرير.
