شقيق شيرين عبد الوهاب يهاجمها بسبب تصريحاتها الجديدة: اقذر قصة عرفتها البشرية
علّق محمد عبد الوهاب، شقيق الفنانة المصرية شيرين عبد الوهاب على أزمتها الأخيرة، والتسجيلات الصوتية التي اتهمت فيها زوجها السابق الفنان المصري حسام حبيب بعدة أمور.
وقال محمد عبد الوهاب: “يا شيخة والله ربنا ياخدنا بقي عشان نرتاح من القرف ده كفايه بقي اقسم بالله قرفنا و الناس قرفت واشمئزت منكم. انتو اقذر قصة عرفتها البشرية والله. حسبي الله ونعم الوكيل فيكم انتو الاتنين”.
وكانت شيرين عبد الوهاب قد ردت في تصريح جديد على انتقادات الناس لها عن سبب عودتها لـ حسام حبيب رعم خلافاتهما المستمرة، وقالت: “الناس بتقول بتسمع كلامه ليه؟ أنا بروح له بالتهديدات، دمرني وبيهددني ويبتزني وبيقول كلام وقح عني وعن أصحابي، ولما بختفي بيوصلني عن طريق بنتي الصغيرة هنا، 13 عاما، ومكرهها فيا وفي أبوها وفي أهلي”.
وأضافت عبد الوهاب: “شخص مجنون ومريض نفسي ملوش أي صفة، إنسان سمّاوي غير طبيعي، يعامل بنتي بطريقة غريبة، يسألها رايحة فين وجاية منين ويخليها تشاركه كل حاجة.. للأسف مكرهها فيا وفي أبوها وفي أهلي تمامًا، أنا دلوقت مليش حد خالص، ماليش غير ربنا وأنتم والدولة، عاوزة ربنا والناس تحميني من الإنسان اللي خلاني متدمرة نفسيا وبشتكي من كل حاجة فيا ومش عارفة أتعالج، أنا بشتكي من كل حاجة في وعاوزة أكمل علاجي مع دكتوري نبيل عبد المقصود اللي ساعدني وواقف جنبي دون أي مقابل مادي، بالعكس كان بيتولى هو كل حاجة كطبيب وأب وصديق هو وأسرته اللي واقفين معايا في محنتي”.
واختتمت الفنانة المصرية تصريحها مطالبة الحكومة مساعدتها في أزمتها، وقالت: “أرجوكم الحكومة لازم تتدخل أنا عاوزة الدولة تحميني لأنه بيبتزني من خلال بنتي. على مدار 6 سنوات لم أتقاضَ منه أي شيء ولم أحصل على أموال تلك الحفلات العديدة التي أقامتها، معرفش أي حاجة عن حساباتي، وكمان كسر الخزنة بتاعتي اللي كانت في شقة في كومبوند، وطلّع منها التنازلات الخاصة بقضية شركة روتانا وخد دهبي كله مني”.
كلام شيرين جاء لموقع “تليجراف مصر”.
