احمد سعد يكشف تفاصيل جديدة عن عودته لزوجته السابقة علياء بسيوني

تحدث الفنان المصري أحمد سعد عن عودته لزوجته السابقة علياء بسيوني وهدفه من إعلان الخبر أثناء تواجده على المسرح في حفله الغنائي، وذلك من خلال مداخلة مع الإعلامي المصري عمرو أديب ضمن برنامج “الحكاية” المذاع عبر قناة MBC مصر.

وقال أحمد سعد: “أنا كنت عايز أقول إن حياة الفنانين مش دايما مشوهة، وكان نفسي نقول لأي اثنين متخانقين يبعدوا عن كل الناس ويتعاملوا مع بعض ومع مشاعرهم”.

وتابع سعد: “إديت لنفسي فرصة أنا وأم عيالي نكلم بعض، بدل ما الناس تنقل عنا أخبار، وننسى كل حاجة وحشة ونبص لبعض بنظرة فيها اعتبار للأولاد”.

وعن طبيعة علاقتهما قال: “كريستيانو رونالدو وجورجينا مش أحسن مني، الفرق بيني وبينه إنه عايش معاها، أنا وخطيبتي مش عايشين مع بعض، لكن بيني وبينها عيال ودي حاجة عظيمة، وأي واحدة متجوزة فنان لها الجنة. هنعمل فرح كبير جدا، وهنعزم فيه كل الفنانين أصحابي وكل المطربين، وهنعزم ولادنا علشان بناتي يلبسوا نفس الفستان، وابني يلبس نفس بدلة أبوه، مينفعش الولاد ميحضروش فرح أبوهم وأمهم”.