رضوى الشربيني تكشف حقيقة زواجها من رجل اعمال اماراتي و تسخر من متابع هاجمها
واجهت الإعلامية المصرية رضوى الشربيني اتهامات من أحد متابعيها بأنها السبب في طلاق الفنانين ياسمين عبد العزيز وأحمد العوضي، وذلك بعد ظهورها في صورة مع ياسمين نشرتها الأخيرة عبر حساباتها في مواقع التواصل الاجتماعي.
وجاء سؤال المتابع خلال فيديو نشرته رضوى عبر حسابها الشخصي في “إنستغرام”، تحدثت خلاله عن شائعة زواجها التي انتشرت أخيراً من رجل أعمال إماراتي، حيث قالت: “الكام يوم اللي فاتوا طلع شوية شائعات كأنها طالعة من الخلاط… لما أتجوز هعلن، ولازم بناتي يوافقوا الأول… والإجابة على الشائعات دي هي إني لم أتزوج من رجل أعمال، ودي كدا المرة الـ15 أو الـ16 اللي تزوّجوني فيها… تجوزوني أخويا إزاي؟”.
وأضافت: “حسيت إني وعدتكوا بالجواز وخلّيت بيكوا… وأشباه الرجال همّا اللي أطلقوا شائعة زواجي ومفيش راجل يلقح على ست… يعني الإماراتي اللي مقتدر مادياً… ويشتريلي قارة عشان أتجوزه وأقعد في البيت… ليه هيشتغل طيار طالما هو معاه فلوس؟ والغريب إن فيه ناس قالت رمز الأنوثة ضربت البنات في الملوخية وراحت اتجوّزت واحد متجوّز… حلو هبد المتربصين ده… وأنا بقيت بتسلّى وأنا قاعدة في البيت… أنا لو هتجوّز هعلن ده، أنا حبّيت أقول للهبيدة أكيد لا أنا متجوّزتش، لدرجة إنهم حطّوا صورتي مع شقيقي وبتقولوا ده خطيبي الإماراتي، صراحة مستغربة من اللي بيتعمل ده، حبّيت أقول لجمهوري اللي بيسعد قلبي شكراً ليكم إنكم بتدافعوا عني بالشكل ده، وأنتم أحلى حاجة حصلت في حياتي”.
ثم مازحت رضوى الشربيني جمهورها قائلةً: “أنا بلاقي نفسي متجوّزة كل شهر من حد مختلف، يا جماعة لو اتجوّزت كان زماني حامل في حمادة دلوقتي مش كده، أنا متجوّزتش حد عنده أطفال بالمناسبة زي ما حد من الجمهور قال كده”.
لتُفاجأ رضوى بتعليق من أحد متابعيها بأنها تزوّجت وجعلت ياسمين عبد العزيز تنفصل عن أحمد العوضي، فتردّ عليه ساخرةً: “أنتم عندكم مشاكل أكيد عشان بتفكّروا بالشكل ده”.
وكانت رضوى الشربيني قد ظهرت أخيراً بصورة مع الفنانة ياسمين عبد العزيز، وعلّقت عليها قائلةً: “أختي وحبيبتي وصحبتي”.
