قريبة طارق العريان تفضحه: خان اصالة مع اكثر من امرأة

لا يزال طلاق النجمة السورية اصالة نصري من المخرج الفلسطيني طارق العريان يشغل المتابعين.

وفي جديد تطورات القضية الهجوم الذي شنته غادة العريان، زوجة شقيق المخرج الفلسطيني طارق العريان على هالة العتال وطارق العريان.

وفي التفاصيل هاجمت غادة، زوجة طارق العريان الأولى هالة متهمة إياها بالمعاناة مش مشكلة نفسية لافتة الى ان إبنها عمر يرفض العيش معها. وذلك بعدما هاجمت هالة اصالة نصري عبر حسابها الخاص على فايسبوك واتهمتها بأنها أبعدت طارق عن ابنه.
وقالت غادة: “انتي يا هالة بتكلمي على ابنك طب خلي عندك دم انتي اللي طول عمرك رمياه وضيعتيه وجايه تتهمي اللي كانت مرات ابوه، والتحريض اللي دايما كنتي بتحرضيه عليها واللي كنتي بتعمليه، نسيتي ان كنتي ناسيه افكرك اصاله اول ماتجوزت طارق حاولت تصاحبك عشان خاطر عمر وانتي عملتي ايه واحده زيك بوظت نفسيه ابنها وجايه دلوقتي تتكلمي”.
وتابعت: “انا مرات اخو طارق غادة فكراني وياما شوفنا منك ومن اللي بتعمليه اصالة اشرف واحسن ست طارق اتجوزها لكن هو مالوش في الطيب نصيب كان لازم يفضل معاكي عشان انتي زيه مش واحدة زي اصالة، لمي نفسك يا هالة واوعي تنسي نفسك وتحاولي تشهري نفسك على حساب أشرف وأطيب وأحن قلب في الدنيا اصالة، وهي كانت حرام في عيلة العريان لو خايفة وزعلانة على ابنك جربي كده هو هيرضي ييجي يعيش معاكي؟”.

وبعد نشر هذا التعليق فجرت مفاجأة خلال مداخلة مع أي تي بالعربي حيث قالت إن أصالة نصري تعرضت للظلم في علاقتهما الزوجية، مؤكدة أن “أصالة كانت إنسانة جميلة جدا مع عائلة العريان، ووقفت مع كل شخص في العيلة”.

أضافت في تصريحات لبرنامج “et بالعربي”: “أنا واقفة في صف أصالة، أصالة اتظلمت في العلاقة دي، أصالة حبت طارق العريان كتير، وفي الآخر حصلت مشاكل بينهم، وبقالها سنة ونص مستنية طارق يطلقها، طارق لسه مطلقها تقريبا من 10 أيام، وهي كانت لأخر وقت قاعدة متكلمتش”.

وحول صورة طارق العريان مع عارضة الأزياء السورية نيكول سعفان، قالت زوجة شقيقه: “طارق بعد الطلاق يعتبر حر، حر مع أصالة بس مش مع أولاده، الصورة دي هتضر الأولاد، الصورة دي ضرر للأولاد أكتر من ضرر لأصالة، الأولاد بقوا عارفين أن الست دي كانت السبب في خراب البيت بين أمهم وأبوهم”.

وآضافت : “نيكول سعفان أكيد كانت السبب وراء الخلاف بين أصالة وطارق العريان، أصالة اتحملت كتير، وعائلة طارق كلها ادخلت في الموضوع، لكن طارق العريان مش راجل صغير، طارق عنده أخ نزل من أمريكا عشان خاطر الموضوع ده، أخته وأخوه وكل العيلة تدخلت في الموضوع ده، عشان خاطر الأولاد وخراب العيلة، لكن محدش يقدر يفرض حاجة على حد”.
اختتمت: “أصالة ربنا يكون في عونها، إن شاء الله ربنا هيقدر أصالة وتطلع من اللي هيّا فيه”.