انتشار صورة لوثيقة زواج سلاف فواخرجي و بشار الاسد تحدث بلبلة كبيرة
ضجت مواقع التواصل الإجتماعي في الساعات الماضية بصورة زُعم انها وثيقة زواج الممثلة السورية سلاف فواخرجي من الرئيس السوري المخلوع بشار الاسد.
واللافت ان سلاف لم تتردد بالتفاعل مع الصورة بطريقة طريفة وتعليق لافت، حيث نشرتها على صفحتها الخاصة عبر موقع فيسبوك وكتبت:”لا تواخذونا … عملناها عالضيق … ماعزمنا حدا قسما بالله شي بيضحك …. انا عادة جديّة على فكرة بس والله ماقدرت”.
اضافت:”هل تستطبعون أن تكونوا نبلاء لمرة واحدة على الأقل ؟ هل تستطيعون أن تناقشوا أفكار دون الطعن بالشرف الذي لا يتوقف عنده الا كل من لديه عقدة فيه ؟هل تستطيعون أن تخرجوا عقولكم خارح غرف النوم”؟
واكملت:” تعبتوا واجتهدتوا كملوا للاخر … لسا بدكن فت خبز منيح … يللا معلش مرة بعد مرة وثيقة بعد وثيقة … بتنجحوا ! المرة الماضية غلطتوا باحدى وثائق الزواج اللي شفناها بخانة الطائفة ونحنا بسوريا ماكان عنا خانة الطائفة ( مابعرف هلأ اذا صارت ) واضحكوا عليكم الناس بس معلش … تعلمتوا …واليوم تلت غلطات بحالهم ! مع انو القصة مو صعبة انكم تطالعوا بيان قيد عادي جدا وسهل”؟
تابعت سلاف:”و لادتي بالاوراق الرسمية بعد تلت ايام من ولادتي
يعني ب 1.8.1977 يوم عيدالجيش السوري واللبناني وبابا الله يرحمه اسمه ، محمد ومو محمد سليم .. وخانتي بمشروع صليبة والخانة 65 وبشوف حالي فيها .. وكل الحب لاهلنا بالسكنتوري .. انا من كل اللادقية ومن كل سوريا مشان اذا بدكن تعدلوا يانوابغ ياجهابذة …لانو يعتبر العقد باطل هيك والعياذ بالله “.
وختمت بالقول:” غير هيك والاهم وين ورقة الطلاق ؟! هي البيانات صارت عندكم … يللي بتخافوا الله ! انا لم اطلق ولن اطلق اذا ربنا أراد … والله يحميلي زوجي وعيلتي ويحمي كل الناس … عيب … وتفه … وبس … ديروا بالكم عالبلد والناس هنن احق بالاهتمام مني..ولا شو”؟
