داليا البحيري تتعرض لحادث سير مروع.. اليكم ما كشفته
كشفت الفنانة المصرية داليا البحيري عن تعرضها لحادث سير، وذلك من خلال نشر صورة عبر حسابها الشخصي على موقع الصور والفيديوهات “إنستغرام”؛ شاركت من خلالها عن تفاصيل الحادث، مشيرة إلى نجاتها منه بأعجوبة.
نشرت الفنانة داليا البحيري صورة لها من حادث السير الذى تعرضت له، وذلك عبر حسابها على “إنستغرام”، وكشفت تفاصيل الحادث حيث كتبت: “الحمد لله علي كل شئ طبعا…لاننا لازم نحمد ربنا علي كل حاجة وفي كل وقت…اللي يعرفوني كويس حيعرفوا أني من محبي شهر الصيف جدا…بحب البحر والشمس والسمار ولمة العيلة وكل حاجة في الصيف جميلة حتي فاكهته…بس الحقيقة السنة دي كانت من اسوء الصيفيات اللي عدت عليا في الساحل…يتخللها بعض اللمحات الجميلة مع العيلة وبعض الأيام الطيبة…بس للأسف كنت مضغوطة جدا”.
وأكملت داليا البحيري: “كنت بعزل من بيت لبيت…ودي كانت حاجة مفاجأة مش مترتب لها عشان كده كنت مشدودة…مناعتي وقعت وبقالي ٣ اسابيع عيانة جدا ! جالي دور برد او كورونا او زي ما تحبوا تسموه…ولما ابتديت اخف شوية حسن جوزي اتعدي وتعب جدا ! اكتر مني بكتير لدرجة اننا اضطرينا نروح مستشفى! وقعدنا 4 ساعات هناك في الديپ فريزير! تكييييييف عاااالي جدا جدا لدرجة كنا موجوعين من البرد”.
وتابعت: “رجعنا من المستشفى وبعد اقل من ساعة كانت حرارتي طلعت تاني ورقدت ومن يومها وانا مش بتحسن ويكتمل السيزون برجوعي سايقة من الساحل وانا تعبانة لاني كان عندي ارتباط مهم في القاهرة والكاوتش بتاع عربيتي يتفرتك ويطلع دخان ! بحمد ربنا انه كان عند دخلة البوابات وماكنتش ماشية بسرعة ده ستر ربنا الجميل”.
وتابعت داليا البحيري: “باختصار كان صيف مشحون جدا بس برضو حافضل احب الصيف وأفضله…دعواتكم بقي اخف لاني استويت.. ملحوظة أنا مش بحب اعمل بوستات زي دي عشان أنا عمري ما كنت بتاعت صاعبنيات…وكمان كان لازم اشكر رجال المرور اللي كلهم شهامة وساعدوني وركبولي الاستبن…اي نعم كانوا عايزين يمشوني بسرعة عشان في تشريفة سيادة الوزير معدية بس برضو جدعان”.
