كلوي خليفة بعد تتويجها وصيفة أولى: “القضية ما بتحتاج لقب لتتحقق”

بعد تتويجها الوصيفة الأولى لملكة جمال لبنان 2025، وجهت الشابة كلوي خليفة رسالة مؤثرة عبر حسابها الرسمي على “إنستغرام” عبّرت فيها عن فخرها بالتجربة وبحب الناس الذي اعتبرته “أجمل تاج”.

وكتبت خليفة في منشورها: “لأنّو كل حلم بيستاهل يتحقّق، حملت مسؤوليّة حلمي و سهرت كرمالو. و كلّ نبضة قلب اشتغلت فييّ و بِروحي شَقَّيت طريقي إلو. وقتا تخايلت النّجاح، تخايلت إنّي قريبة من كلّ إنسان و من كلّ بيت ريحتو لبنان. اليوم، بِفتخر قول إنّي وصلت لأوّل نجاح و هو قلب النّاس. حُبكُن و دَعمكن لَمَس قلبي و كان أَجمل تاج.”

وأضافت بتأثر: “بحب هَنّي ملكة جمال لبنان و كلّ بنت شاركت بالمسابقة. بدّي قول لكلّ صبيّة مِنُّن إنّي ممنونة لمشاركتنا هالتّجربة سوا. و لأنّو القضيّة ما بتحتاج لَلَقب أو تاج لَتِتْنَفَّذ، بِشَغَف و إصْرار رح ثابِر لَوَصِّل قضيتي. مِن هون، من قلبي المليان أَمَل، و تحت سما لبنان، بَلَّشت الحلم و كلّ يوم عَم يكبَر.”

https://www.instagram.com/p/DPegfEKDIOh/?utm_source=ig_web_copy_link&igsh=MzRlODBiNWFlZA==