ياسمين رئيس تتعرض لانتقادات واسعة بعد غنائها مع حسن شاكوش

هاجم المنتج وليد منصور، عبر حسابه الخاص في موقع “فيسبوك”، الفنانة ياسمين رئيس، على خلفية مشاركتها مطرب المهرجان حسن شاكوش في أغنية “حبيبتي”، والتي عرضت منذ ايام قليلة على موقع “يوتيوب”.

وعلق وليد منصور علىى آداء الفنانة ياسمين بالقول: “الفنانة ياسمين رئيس، ليه بس كده؟، إنت نجحتي في المسلسل وبقالك فترة مركزة في عمل بتعمليه ليه، بلا داعي تعملي كده ليه؟”.

وتابع قائلا: “الممثلين عاوزين يركبوا تريند وخلاص، صح أو غلط، بجد نفسي الممثل يركز فقط في تمثيل يغني لو الدراما عاوزة كده مش عمال على بطال، كله عاوز يغني مهرجانات وأي حاجة، يا نجوم مش كده والله”.

وتابع: “المطرب مطرب، والممثل ممثل، علشان إحنا في مصر محدش نجح قوي في الاثنين مع بعض نفس النجاح غير عبدالحليم وتامر حسني أنجم من غنى ومثل مع بعض، وطبعًا في نجوم تانية كتير بس مش نفس درجة النجاح دي، أتمنى ياسمين تحاول توقف الأغنية، أو تشوف حل علشان كل الناس زعلت قوي، خاصة مش دويتو مع عمرو أو تامر أو حماقي أو منير كنا قولنا نشوف، ده مهرجان شعبي يا ياسمين”.