ناهد السباعي تكشف سبب تأخر زواجها “لأن جدي فريد شوقي”

خلال استضافتها في برنامج “الحكاية” الذي يقدّمه الإعلامي عمرو أديب عبر قناة “MBC مصر”، كشفت الفنانة ناهد السباعي المواصفات التي تشترطها في زوجها المستقبلي. إذ قالت: “طبعاً في معاكسات، لكن المعاكسات بتقف معايا عند الورد والواتساب، وأنا دلوقتي صوّرت مسلسل وباعمل رياضة وبازرع، معنديش وقت أشوف أصحابي أو أقعد مع قرايبي أكتر، لكن أكيد أنا زي أي واحدة ربنا خلقها نفسها يبقى عندها زوج وأسرة وبيت”.

ورداً على سؤال: هل يشعر الرجال بقوة شخصيتك وصعوبتها بالنسبة إليهم؟ ردت قائلة: “أنا شخصيتي تبان قوية، لكن ماما وجدّي وجدّتي شخصياتهم أقوى، وشخصيتي أضعفهم”.

وأضافت: “كان نفسي مفهومنا يتغير، ونبطّل نفهم البنت بعد ما تخلص دراستها وتبقى مثقفة إن الجواز أكبر طموحاتها، أكيد اختياراتها هتختلف… الراجل اللي هيتقدملي لو مش هيعاملني زي بابا وإخواتي الولاد مش هوافق، ولما يبقى جدّي فريد شوقي لازم يبقى سقف طموحي عالي شوية”.