رضوى الشربيني لـ الرجال : لو في واحدة بتتحرش بيك روح بلغ عنها
ردت الإعلامية المصرية رضوى الشربيني على رسالة تلقتها من أحد متابعي البرنامج تتحدث عن أن الرجل يمكن أن يخون المرأة إذا كان يعيش تحت ضغط من الإغراءات الشديدة، أو إذا تعرض على وجود سيدة ضحكت عليه، حيث أشار إلى تعبير أن “البحر يحب الزيادة”.
وقالت رضوى: “كلنا عارفين أن الرجالة بتخون، يا أما فيه راجل فرفوش بيحب الستات، يا أما مبدأه التعدد، ولكن أنه يخون تحت ضغط دي أول مرة أسمعها، فلو فيه أي واحدة بتتحرش بيك، أو شربتك حاجة صفر وبتضغط عليك بطريقة معينة، روح بلغ عنها وماتحطش نفسك تحت أي ضغط”.
وأضافت: “قانون التحرش مش للستات بس، للرجالة كمان، روح بلغ عنها وإحنا كلنا في ضهرك، وأوعى تتكسف علي فكرة، لكن فكرة أن البحر يحب الزيادة فأحب أقول لحضرتك أننا في 2023 الحكاية بقت معكوسة عشان الرجالة بقت عاملة زي بوفيه الأكل المفتوح اللي الأكل بقالة من 4 لـ 5 أيام عليه، كل واحدة تعدي تأكل وتمشي وفيه اللي بطنها بتوجعها فمش بتكرر الأكل منه مرة تانية، وفيه اللي متعودة عل الأكل الحمضان ده”.
وأكملت رضوي قائلة: “لو الضغوط دي لأن أنت زي الطفل مع الستات اللي بيمارسوها عليك، فأشمعني بتتحول لراجل علي مراتك وتفضل تشخط وتزعق وتجعر والجيران يفضلوا يسمعوك، واللا ماما طلعت لك أن ألف مين يتمناك، كده روح أتعالج عشان تكون راجل مش متاح أو محترم احتمال برضه”.
