نشوى مصطفى تعود الى الدراما بعد غياب عشر سنوات

كشفت الفنانة المصرية نشوى مصطفى عن عودتها إلى الدراما بعد غياب استمر لمدة 10 سنوات، وذلك من خلال تديونة شاركتها عبر صفحتها الشخصية في “فيسبوك”.

وتعود نشوى من خلال المشاركة في مسلسل “إمبراطورية ميم”، من بطولة الفنان خالد النبوي.

وقالت نشوى في تدوينتها: “تحويشة العشر سنين اللي فاتت اللي مشتغلتش فيهم آخرها جبر كبير، فرحانة إنى مخسرتش سنين عدّت رغم قسوة إن الفنان مايمارسش فنه، بس الحقيقة ومعرفش هتصدقوني ولا لأ، لما كان يتعرض عليا دور مش حاساه، كنت بعتذر، وأنا بتقطع بس كنت بقول حقي في المرحلة دي، واللي باقي من العمر إني استمتع وأنا بعمل فن”.

وأضافت: “إيه متعة أكبر من إني بإذن الله أكون واحدة من فريق عمل عظيم وراقي، نص محترم، إخراج واعي، إنتاج لشركة أعمالها ترند وخالد النبوي، أقصد الخالد النبوي، خالد اسمه لازم يسبقه ألف ولام، بغض النظر عن حضوره اللي ربنا صارفهوله بزيادة، هو كمان ممثل هاند ميد، ممثل يعلى أي ممثل يوقف قدّامه، ممثل هاوي بيذاكر وبيعيش وبيحس بمنتهى اجتهاد الممثل الهاوي، بمنتهى الاحترافية، يا يا بختي حقيقي”.

واختتمت نشوى مصطفى قائلة: “بالمناسبة ده سادس عمل بإذن الله أمثل فيه مع خالد، الشاطر يقول أسماء الأعمال اللي اشتغلت فيها مع خالد، هقول اسم العمل الأول وكنا لسه طلبة في المعهد، مسرحية “البحر بيضحك ليه”، وللأسف متسجلتش، كلي ثقة في توفيق ربنا وكرمه بإذن الله دعواتكم أكون عند حسن ظن حضراتكم”.