حسام حبيب يخرج عن صمته ويكشف المستور ” كفايا ظلم”
خرج الفنان المصري حسام حبيب عن صمته بعد أيام من خلافه مع طليقته الفنانة المصرية شيرين عبدالوهاب، ورد على ادعاءات شيرين الأخيرة له حول الهجوم عليها وضربها وإصابتها في رأسها.
ومن خلال اتصال هاتفي مع et بالعربي صرح حسام حبيب قائلاً :”الكلام كلو في النيابة وفي شهود، والتحريات كلها هتبان، والله العظيم كل الكلام دا كدب”، وأضاف:”وبالنسبة للـ 50 ألف دولار إنتي سحبتيهم من أي بنك؟؟، والأربع خواتم ألماس فين فواتيرهم؟؟، أنا عايز اعرف المواصفات الدقيقة ليهم”.
وعن موضوع الضرب قال: “اقسم بجلال الله والله العظيم أنا ما لمستها ، هي ضربة الطفاية في دماغها وفي شهود كانوا واقفين ومعورة إيديها التنين بالمقص، وقالت عشان أوديك في داهية وما تمشيش في الشارع تاني”.
ومن أسبوع كانت بتقول أنا قلبي بيوجعني لما حد بيشتم فيك، بحس إن أنا السبب ومش عارفة أعمل إيه عشان اكفر عن الذنب دا، ولكنها عملت فيا الأوحش المرة دي”
وبعد أن قامت بتكسير الاستوديو، خرجت من المكان مسرعة ووصلت وجلست في السيارة لكنه بعد ربع ساعة نزل خلفها ، وقال: “نزلت وراها عشان أقولها ما تقعديش في العربية ، اطلعي لفوق واغسلي وشك ومتنزليش كدا”.
وفي النهاية قال: “أنا ماعنديش مشكلة مع شيرين، أنا بحبها ، لكن كفاية ظلم وياما حذرها وقال لها كل حاجة وليها آخر ،الصبر والتحمل والحب ليه آخر، لكنها أخدتني كأمر مسلم بيه، أنا هدوسو وهو هيسكت، لكن المره دي مش هسكت”، وختم تصريحه: “أنا مش زعلان من الناس أنا بزعل بس من اللي بيصر على الشتايم والخوض في الأعراض وأن أنا عايش على قفاها، قسماً بالله العظيم أنا عمري ما أخت منها مليم”.
