شكران مرتجى تحيي الذكرى الاولى لزلزال سوريا وتروي لحظات صعبة
أحيت الفنانة السورية شكران مرتجى الذكرى الاولى لزلزال سوريا، والتي عبرت عن هالذكرى بكلمات مؤثرة كشفت من خلالها عن تفاصيل اللحظة المأساوية الي عاشتها ليلة الزلزال.
ونشرت شكران صورة روت من خلالها اللحظات الصعبة التي عاشتها وقالت: ” بعمري ما بنسى هاليوم كنت مسافرة ورجعت مريضة كتير ما بعرف شو بني بس قلت بدي ارجع بهالليلة خلص وصلت عالتسعة.. وصلت عالبيت حرارتي أربعين من عادتي بفضي شنتايتي فوراً فضيتها وحقيقي مني قادرة وقف فتت بدي نام بس عم هلوس وسعلة فظيعة”.
وأضافت شكران مرتجى: “نمت فكرت انه في حدا بتختي عم ياخده يمين وشمال فقت وركضت عالباب مالي بوعيي.. فتحت طلعت جارتي قالتلي يلا ننزل لتحت زلزال صرت أبكي وقلها ما بدي بموت ببيتي.
وتابعت:” صار الزلزال يمكن ماصاب بيتي ماصابني شخصياً ولكن صاب وطني وأهلي يعني أنا تعلمت كتير بهيداك الوقت.. حبيت انه صرنا ايد وحدة وقلب واحد .. تعرفت ع كتير عالم وناس وتعبت كتير وتعبنا كلنا.. الزلزال متل الحرب صاب كل القلوب وكل الناس.. كان الشعرة اللي قصمت صبرنا ولكنها مدتنا بصبر جديد وأعتقد طريقة مختلفة بفهم الحياة .. تفاصيل كثيرة تمخضت بحياتي بعد الزلزال .. أعتقد أنها تحتاج لصفحات”.
