سوسن ارشيد في رسالة شديدة اللهجة لفئة من السوريين : مش مقبول بعد 13 سنة تهليل تخبر كيف لازم تكون سوريا
خرجت الفنانة السورية سوسن أرشيد عن صمتها ووجهت رسالة شديدة اللهجة لفئة من السوريين الذين أعلنوا عن مطالبهم الشخصية، متجاهلين الحالة العامة التي يعيشها الشعب من فقدان الأهل والخسارات التي دفعوها على مر سنين الحرب.
وشاركت سوسن أرشيد صورة للعلم السوري، وأرفقته بتعليق قالت فيه: “أنا في الأيام الماضية كنت عم شد على إيد الناس وسعيدة انه تنفّسوا وعم يعبروا عن مطالبهون بحريّة ولكن (وهادا الكلام موجّه لفئة محددة وليس للجميع )،وهنن بيعرفوا حالهون منيح من غير المقبول أبداً إنّك خلال ال١٣ سنة الماضية كنت عم تشبّح عالناس وتطالب بالبراميل وقتل أخوتنا وأهلنا وتنعتهون بالارهابين تجي اليوم بعد عشر أيام من سقوط الطاغية يلي كنت عم تهلّله، وتشد على ايده وتبارك إجرامه حفاظاً على مصالحك الشخصية تجي وتوقف وترفع صوتك وتخبروهم كيف لازم تكون سوريا يلي الثوار حلموا فيها من أول يوم صرخوا فيه حريّة وكرامة وواحد واحد واحد الشعب السوري واحد ودفعوا تمن هالمطلب الغالي والنّفيس من الأجدى فيك /فيكي تقعدوا بالبيت وتقيموا خلال هي الفترة الماضية شو كنتوا عم تعملوا مقابل الموت والقهر والوجع يلي عاشه كل مهجّر وكل معتقل وكل طفل وكل إنسان سوري عنده كرامة وتسمعوا طلبات النّاس يلّي علّت صوتها وعانت الأمّرين لتقول كلمة حق وحطّوا مصالحكون الشخصية على طرف ولو لمرّة واحدة لأنه في لسّى أهالي عم تبكي أطفالها وشايفة أحبابها في مقابر جماعية وعم تلملم جراحها اصمتوا وراجعوا أنفسكم واتركوا السّاحة للأصوات يلي إلها مصداقيّة ويلي ماكانت قادرة تحكي كل هالفترة ولا تشوهوا هي التحركّات المحقّة. #سوريا_حرة”.
