باسم ياخور في اول تعليق له بعد سقوط نظام الاسد
بعد غياب عن الإعلام منذ سقوط نظام بشار الأسد، أطل الممثل السوري باسم ياخور مع الإعلامية اللبنانية نايلة تويني في بودكاست مع نايلة وتحدث عن العديد من الأمور في عهد نظام الأسد و عن النظام الجديد.
وفي التفاصيل، فقد تحدث باسم عن سجن صيدنايا قائلا: ” حالة وجود المعتقلات في سجن صيدنايا كانت شنيعة، وأنا بكل مقابلاتي من بداية الأحداث لهلأ دائما كان رأيي ضد العنف لو مين ما كان عم بمارسه.. السلطة أو المعارضة أنا ضد سفك الدام، وهاد الكلام بقولو من الـ 2012 لقبل شهرين”.
وتابع الممثل العروف بولائه للنظام السوري السابق قائلا: ” أنا ضد الإعتقال التعسفي أو حدا يعطي رأيو يقوم ينحط بالسجن.. وأنا اليوم سعيد انو المعتقلات ما عاد فيها حدا وفرجت، ولكن أيضا في مجرمين طلعوا”.
و أضاف، موجها حديث عن الحكم الجديد في سوريا: ” المرصد السوري اللي كان بمواجة النظام خلال السنوات الماضية كلها، بقول انو خلال شهر واحد من تسلم السلطة الجديدة في تسلم الحكم لليوم، في أكتر من 30 ألف معتقل جديد ما حدا بيعرف عنن شي، وينن ما حدا بيعرف شي ومن ضمنن أكتر من 9 آلاف معتقل من المجندين”.
واختتم حديثه قائلا: ” اليوم طريقة اعتقالهن و محاسبتهن عليها علامة استفهام .. يعني نحنا ما بدنا نرجع نشوف واحد عم ينشحط قدام الناس ويتعرض للضرب وما نعرف وينو .. لازم يحكموا بكل شفافية وما نرجع نشوف اللي صار بالفترة السابقة وإلا رح يسبب للناس حالة من الهلع”.
وطالب باسم خلال اللقاء أن يتم المحاسبة بالعدل وليس على انتماء معين سواء كان المتهم مواليا أم معارضا.
